Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Яшәү мәгънәсе

Ләйсән Ушамова
Ләйсән Ушамова
12 октября 2016
859 карау

Аллаһ кешегә гомерне
Ярату өчен биргән.
Яши-яши бу фикердә
Көннән көн куәтләнәм.

Иң элек ярат үзеңне:
Сәламәтлекне сакла,
Ходай биргән сәләтеңне,
Хыялларыңны сатма.


Дөнья өчен синең бәхет –
Иң алдынгы, төп бурыч,
Бәхетсез кеше булмас ул
Чынлап сөючән, тыныч.

Сөю тулы күзләр белән
Башкар һәрбер эшеңне.
Күр табигать матурлыгын,
Күр Аллаһның олылыгын,
Тәрбиялә гаиләңне!

Ярдәмеңә мохтаҗ булса,
Кирәк булсаң кешегә,
Булдырган чаклы булыш син,
Бәхет шуннан да килә.

Әмма үзеңне сындырма -
Чын йөрәгеңнән булсын.
Кыланма, театр түгел,
Гомер чынлыкта узсын!

Көтмә җавап, көтмә мактау,
Кеше фәрештә булмас,
Әмма кылган яхшылыгың
Ходай күзеннән качмас.

Ачу тотма, бер сырхау ул,
Эчтән ашап бетерер,
Гафу итен, тиз гафу ит,
Калганын Тәңре белер!

Авыр чакларда сабыр бул,
Бу да Аның хикмәте.
Шатлык килсә, рәхмәтле бул –
Һәр дәресе кыйммәтле!

Үз тормышың үз кулыңда,
Җаваплы тик син аңа.
Оптимист, эш сөючәннәр
Ирешер морадына.

Барчабызның күңелендә
Аллаһ чаткысы янсын.
Яшәеш белән исбатлыйк
Аның көчен, барлыгын!

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy