Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШигърият → ​АВГУСТ КӨЕ

​АВГУСТ КӨЕ

Асия САФИНА
Асия САФИНА
02 августа 2017
275 карау
Асия Сафина (Тимериева) Түбән Кама районы Үчкә авылында туа. Каенлы сигезьеллык мәктәбен тәмамлагач, Түбән Камада урта мәктәптә укый. Лаборант һөнәрен үзләштереп, химия комбинатына урнаша. Аннары Казанда укып кайтып, ательеда мастер була.
Чаллыда укып кайтканнан соң, Яшьләр белән эшләү идарәсендә психолог булып эшли башлый. Якташлары Асияне үзенчәлекле шигырьләре, хикәяләре аша да белә. 


 

Яшәү җыры

Мин кырларны, басу-игеннәрне
Гомер агышына охшатам:
Гомернең дә булмый ниндиләре,
Матур да соң, матур – ышанам!

Кыш китүгә юрганнарын ачып,
Басу-кырлар язда уяна;
Китү белән кар сулары ташып,
Шытым күреп күңел куана.

Күз алдында шәрә басуларга
Яшел хәтфә келәм каплана;
Бу манзара өмет өсти җанга –
Киләчәкне барлап шатлана.

Күксел диңгез сыман талгын гына
Мул басуда дулкын чайкала.
Могҗизалы иген дәрьясына
Хозурланып йөрәк таң кала.

Җәйге челлә. Басу көчен туплый;
Баллы сөт исләре тарала...
Офыкларда аҗаганнар уйный,
Киң кырларда Икмәк ярала.

Алмаштырмас идем алтын тавын
Шаулап үскән иген кырына;
Алтын көшел – тук башаклар 
                                            шавын
Тиңләр идем яшәү җырына!


 

Август көе

Алмагачта алма аллана –
Алмаларга өмет баглана...
Өлгереп тә кирәксезгә калган
Алмалар да бар ул дөньяда...

Алмагачта алма аллана,
Август керсә – күңел моңлана;
Татарлыгым кирәксезгә кала –
Телем белән дәртем югала.

Татар булу – һаман тышауда;
Кемнәр чыгар хаклык яуларга?
Ни сәбәпле батыр, тырыш халкым
Күндәмлекне тора сайларга?!

Затлыбыз ник үсми татарча,
Зыялысы читкә гел кача...
Үз бакчаңда үскән багалманың
Куанычын күрик ичмаса!

Ана теле – телнең Олысы!
Милләт тамырларың ныгысын;
Татарыңа хезмәт итсәң генә
Югалуга каршы торырсың!

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy