Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШигърият → Мин сине сагынганмын!..

Мин сине сагынганмын!..

Ленар Шәех
Ленар Шәех
17 марта 2017
435 карау

Мин сине сагынганмын!..

Күрдеңме соң баш өстеңнән
Ак болыт агылганын,
Шул болытлар арасыннан
Елмаю табылганын?..

Күрдеңме соң серле төннең
Зәңгәр моң ябынганын,
Тылсымлы ай нурларының
Шул моңга кагылганын?..

Күрдеңме соң уйсулыкта
Көмеш күл чагылганын,
Бер аккошның ярсый-ярсый
Канатын кагынганын?..

...Дөньяны кочардай булып
Мин сине сагынганмын!..

 

Яңгырда

Су җепләре сузылганнар 
күктән җиргә –
Менәсе менсен, төшәсе төшсен дип...     
 

* * *

Табигатем минем кыр казыдай...
Эх, очасы килә җирне ташлап!
Иксез-чиксез зәңгәр күк диңгезен
Йөзәсе лә килә бер колачлап.

Табигатем минем кыр казыдай...
Киң болыннар, иркен елгалары
Күңелемне тарта, ымсындыра...
Йөрәгемне камый еллар кары.

Табигатем минем кыр казыдай...
Кайнап торам, эх, очасым килә!..
Тормыш салган авыр арканнардан
Ычкынасым, бер бушасым килә!

Табигатем минем кыр казыдай...
Киң офыклар тарта күңелемне...
җаным тоя: күккә очкач, җиргә
Киек каздай кире килеремне...

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy