Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШигърият → Янар гөл яктысы

Янар гөл яктысы

Гөлнара Җәлилова
Гөлнара Җәлилова
06 марта 2017
367 карау

Көчсез

Көчлеләр җиңәләр һәркайда.
Җиңсеннәр.
Кызыкмыйм кешенең көченә.
Мин — көчсез.
Елыймын елыйсы килгәндә,
Елыймын иртә дә, кичен дә.

Мин көчле булалмыйм. 
Нык йөрәк, таш бәгырь
Табигать, нигәдер, бирмәгән.
Һәркемгә мускуллы 
баһадир, пәһлеван,
Саф акыл булырга димәгән.

Син — көчле. Миңа шул 
бик җиткән. Үртәмә —
Юк миндә мускул да, 
көчем дә.
Мин синең кочакта көчлемен, ә болай — 
Бәхеттән елыймын иртә дә,
 кичен дә.


Нәрсә диим?

Нәрсә диим? Бу мизгелдә
Эндәшмәвем үзе алтын.
Бар дөньяга кулны селтәп,
Мин бит синең 
белән калдым.
Купшы-бәрхет сүзләр белән
Төчеләнеп тормыйм, кичер.
Тоя алсаң җан тибешен,
Ишетерсең — синең өчен.

Бәлки бераз корырактыр
Холкым, сүзем, хәтта назым.
Мин бит кайнар хисләремне
Чокып-бизәп җанга яздым.

Кочагыңа кысасың син, — 
Сөйләшәләр тын белән тын.
Нәрсә диим? Бу мизгелдә
Эндәшмәвем үзе алтын.

 

Аллам

Күземнән түгелгән моңымны
күтәреп алалсаң,
Күңелем елгасы агышын
кирегә боралсаң,
Җандагы яраның нәкышен
берсүзсез аңласаң,
Газаплы җанымны юатыр
сүзләрен табалсаң,
Нәзберек бәхетне югалтмый
янәшә баралсаң —
Бүгеннән — мәңгегә — 
син генә
табыныр бер Аллам!

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy