Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Кар

Луиза Янсуар
Луиза Янсуар
22 февраля 2017
293 карау
Бу гасыр да китәр төсле узып,
Без калырбыз төшеп арбасыннан.
Кар ишелде бүген Казаныма
Күкнең ерак затлы кальгасыннан.
Кемдер анда атлады күк, салып
Җир киемен... вакытыннан алда...
Кемдер безне ташлады күк, никтер
Уйламый да, сукмый гына санга...
Ишелде кар... яшькә әверелде –
Сыктау булып яңгырады җирдә.
Мин тын гына багам тәрәзәмнән:
- Ул, ниһаять, тарту көчен җиңгән...
Мин тын гына тартам дисбедәге
Көннәремне... Барлыйм – кемнәр исән:
Берәү, икәү, өчәү...
Фанилыкка
Бәйләп торган кендек җебен кисәм.
Бу урамнар калырлармы үксез?
Бу мәйданнар кемнәр эзен саклар?
Кар ишелде бүген Казаныма...
Һәм эндәште:
- Агар инде... агар...

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy