Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШигърият → Яшел күзле...

Яшел күзле...

Луиза ЯНСУАР
Луиза ЯНСУАР
25 мая 2016
905 карау
феи августа так свободны
и так легки,
их духи немного горчат

ЛЕМЕРТ

алар бии таңга кадәр болыннарда.
сокланасың: менә ләса – яшьлек үзе!
алар елый, яшеренеп үләннәргә – 
үзләредәй яшел күзле, яшел күзле.

алар көлә – кыңгыраулы үзән 
буйлап
уйнап кына йөгерек җил узганмыни!
алар китә, артларыннан
                          эз калдырмый,
берәүгә дә үч сакламый, 
кызгандырмый.
алар көтә – айга, елга сузыламы,
сузыламы бер гасырга, аннан ары...
алар кача кешеләрдән ераккарак,
сизә калса сүзләрендә ялган барын.

алар белә: югалсалар – ахыр булыр.
төсләре дә онытылыр, үзләре дә.
дөнья биер, шашып-шашып,
                                үз көенә,
бик иске дәрт күмерләнер       
                             күзләрендә.
...бераз кырку тоелыр ул август төне:
нәкъ ирек һәм җуелмаган
                             хәтер төсле. 
һәм оза-а-ак чык кипми торыр 
үләннәрдә – 
кемнедер бик хәтерләтеп –
                            яшел күзле. 

 

* * * 

«Без югалтыр һәм аннан
сагыныр өчен яратабыз...»
                                     Синең хаттан


...һәм – һәр төндә төшләренә
                          кайтыр өчен – 
яз катыш көз, көйгән дәфтәр бите 
булып... 
кашкарыйлар тотып өйдән чыга              
                                     улың,
тирбәлгәндә сәгать теле,
                            җиде тулып.

һәм учыңа алып учын –
                         син чыгасың... 
парктагы эскәмиядә көтәм сезне.
син, узганда, сизгән кебек,          
                              борыласың,
сукранасың эчтән генә, тиргәп көзне.

көтәм сине аннан мәктәп
                             бакчасында,
чыгасың син, кулың җиңгә 
яшергәнсең. 
өркетүдән куркам... 
әмма, өркетмичә,
белмим, сиңа хәзер
                    ничек дәшәргә соң?! 

син кичләрен өйдә шәмнәр 
кабызганда,
сүндерүдән куркам,
тыным кагылудан... 
һәм, чәчләрең тараганда,
якынаеп,
көзгеләрдә 
ялгыш кына чагылудан.

син югалттың мине.
ә мин... 
ә мин – таптым. 
күр, улыбыз йоклый,
төше тәмле... татлы... 
син дә йокла!
ә мин сакта торам. 
синең 
киләчәгең
минекеннән
күпкә якты. 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy