Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШигърият → Әлфия Ситдыйкова шигырьләре

Әлфия Ситдыйкова шигырьләре

Әлфия Ситдыйкова
Әлфия Ситдыйкова
07 декабря 2015
1128 карау

* * *

Гомер – йомгак. Сүтә-сүтә җебен 
Кем үр менә, кемдер туктала. 
Кем иелеп чишмә суын эчә, 
Кем кояшка үрелеп ут ала.

Аз булса да борчу килсә, кемдер
Яшен түгә иелеп тал сыман. 
Ә кемнеңдер дымлы күзләренә 
Сандугачлы алсу таң сыйган.

Әйләнә җир. Дөнья куласа шул, 
Куып җитеп булмый дөньяны. 
Сүтелсә дә йомгак, чуалмасын, 
Гомеремнең җырлы еллары.

* * *

Өннәремдә тоям, чынга аша 
Һәр мизгеле күргән төшемнең. 
Дөньялыкның кырыслыгы аша 
Яшәү мәгънәсенә төшендем.

Дошманнарым сөенмәсен әле 
Сыгылды дип барган юлында. 
Мин иелеп җирдән бәхет кошын 
Алдым бары кайнар кулыма.
 

Сорау


Тәү күргәндә уйламаган идем 
Уралырмын диеп серләреңә. 
Йөрәгеңне ачтым. Яра аша 
Ялангач җан бакты күзләремә.

Игезәкләр кебек безнең жаннар... 
Бәргәләнә язмыш кочагында. 
Тоташ уттан торган йөрәгемне,
Түзәрсеңме, салсам учларыңа?!

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy