Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятШәхес → Чулпан Хаматова

Чулпан Хаматова

20 апреля 2017
343 карау

Мин бәхетле кеше. Һәрхәлдә, бәхетле булырга тырышам. Исән-сау икәнлегемне, янымда тормыш кайнап торуын аңлый алырлык дәрәҗәдә зирәк булырга омтылам. Шулдыр инде ул бәхет.


Кинодагы беренче роль. Бер режиссер миңа, күзләреңдә хис-тойгылар чагылмый, актриса булма син, дигән иде. Ярый әле Вадим Габдерәшитов мине күреп алды. Өченче курста укыганда «Биер вакыт» («Время танцора») дигән фильмында баш рольдә уйнарга чакырды. Катя роле белән «Ника» призына да куелдым.

Театрга килү. 1998 елда «Современник» театрына чакырылдым. Э. М. Ремарк әсәре буенча куелган «Өч иптәш» («Три товарища») спектаклендә Патриция Хольман ролендә беренче мәртәбә тамашачыга күрендем. Аннары рольләрем байтак булды. Антон Чехов, Василий Шукшин әсәрләрендә уйнадым.

Фонд турында. Элек мин гел театр-кино дөньясы кешеләре арасында гына кайный идем бит. «Гомер бүләк ит» дигән фондны оештыру һәм анда эшләү мине үзгәртте – тирә-ягыма бөтенләй икенче төрле карый башладым, дөньяга тагын да ныграк ачылдым. Янымда һәрчак гаҗәеп кешеләр: балалар һәм аларның әти-әниләре, табиблар, волонтерлар... Бу тормышта нәрсәнең чыннан да мөһим, нәрсәнең чүп-чар икәнен аерырга өйрәндем. Гомердән, исәнлектән дә кадерлерәк бер нәрсә юк икән! Мин шуны аңладым. Сафсата сүзләрне бөтенләй тыңлый алмыйм.

«Бозлык дәвере» проекты хакында. Проектта октябрьгә кадәр генә булырмын да китәрмен дип уйлаган идем. Бәхетсезлеккә күрә, без алдынгы урынга чыктык. Аннан инде, әйдә, бу программаны гына яздырабыз да, әйдә, тагын берне генә дия башладык. Төшерүләр вакытында партнерым Роман Костомаров минем янга Питерга килеп йөрде. Язылабыз да, Рома мине Петербург боз сараена алып китә. Бозда барып төшәм, тагын торып басам, тагын егылам. Ә табиб... икенче партнерыма әйләнде! Фәкать сул терсәгем генә травма күрми калды бугай инде. Баш белән дә кадалдым, оча сөягемне дә чатнаттым. Авыртуны баса торган уколлар гына коткара. Тагын бозга чыгып басам. Башкалар әллә нинди яңа элементлар ясаганда соң!.. Бернәрсәгә җитешә алмыйм! Йокларга түгел, оекбашларны кер юу машинасына салырга да вакыт юк!

Балалар тәрбияләү. Әйбәт мульфильмнар – балаларны йөдәтмичә генә яхшы кеше итеп тәрбияләүнең иң үтемле чарасы. «Без үзебез ияләштергән затлар өчен җаваплы» дигәнне үзләштерә алган бала юньле кеше булып үсәчәк. Кызларым яшьтәшләреннән шактый аерыла: Интернеттта утырмыйлар, социаль челтәрләргә исләре китми. Арина белән Ася кино белән дә мавыкмыйлар. Ә менә кечкенәсе – Ия миңа ияреп эшкә еш килә.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy