Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятРәссам сәхифәсе → Фәридәнең көмеш болыны

Фәридәнең көмеш болыны

Асия Галиуллина
Асия Галиуллина
29 мая 2015
1297 карау
Фәридә Харрасова бик сирәкләр, тамгалы талантлар гына җөрьәт итеп аяк баса торган сәнгать сукмагыннан гади генә атлап китә. Бик чибәр һәм бердәнбер кызларына ата-анасы бүтән төр һөнәр сайлый да белмәгәндер инде. Сәнгать мәктәбеннән соң Театр училищесының театр декораторлары әзерли торган бүлеген кыз үзе сайлый. Һәм... бер генә спектакльне дә бизәп карамый.

Гомумән, ул башка рәссамнарга охшамаган – мольберт күтәртеп куймый, өстәл өстенә ефәк тарттырылган киергесен сала да, башында туган образлары чайпалганчы, чуалганчы аларны нәфис итальян тукымасына «марабу» дигән буяу белән төшереп калырга ашыгып, өстәл янына килеп баса. Нәтиҗәдә хыялның үзе кебек бай, төсләр уйнавыннан балкып торган матур батик килеп чыга. «Батик» термины жанрны гына түгел, рәссамның иҗат җимешен дә аңлатса кирәк. Ул исә матур яулык та, затлы картина да булырга, хәтта тәрәзә пәрдәләре сыйфатында җилфердәргә дә мөмкин. Күргәзмә иясенең кигән киеме дә батик иде ләбаса.

Япон, һинд, малайзия кызларының киемнәрендә күзнең явын ала торган буяулар рәссам Фәридә Харрасованың каләме тигәч, яңа балкышка ия була. «Испан биюе» дигән батик картинада бу буяулар яратуны, дәртне, яшьлекне, тыелгысыз хисләрне чагылдырырга ярдәм итсә, «Ак сиреньнәр» картинасында, төсләр тыйнакланып калып, ак чәчәкләр сафлыгын алгы планга чыгара. Ә менә «Көмеш болын» картинасы – ул балачак, туган якны сагыну! Фәкать нечкә сагыш кына әнә шундый көмеш тоҗымнардан тукыла ала! Әлеге картинадагы сызыкларның камиллеге хәйран итә. Нык кул белән сызылганнар! Китап графикасына багышланган еллар ныгыткан икән рәссамның кулын. Ә нык кул кирәк. Чөнки нәфис, нәзек тукыма кат-кат буяу тигергәнне яратмый.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy