Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятРәссам сәхифәсе → Күкләр язган билгесе - җир

Күкләр язган билгесе - җир

Гөлсинә ХӘМИДУЛЛИНА
Гөлсинә ХӘМИДУЛЛИНА
12 августа 2016
1221 карау
Татарстанның һәм Россиянең Рәссам­нар берлеге әгъзасы Алсу Адлер кызы Тимергалинаны бүгенге көндә рәсем сәнгате дөньясында үз юлын сабып, лаеклы урын яулаган хатын-кыз рәссамнарыбызның берсе дип атарга мөмкин. Алсуның иҗаты гаҗәеп күпкырлы: акварель белән язылган картиналар, графика, кулланма сәнгать – паннолар, курчаклар, батиклар...

Бүгенге көндә исә аның иҗатының тагын бер кыры чәчәк ата: Алсу уңышлы рәвештә Татарстан китап нәшриятының Балалар редакциясе белән хезмәттәшлек итә. «Балалар китаплары белән эшләү минем өчен үзе бер олы дөньяны ачуга тиң булды. Минем, гому­мән, үземне сәнгатьнең төрле-төрле өлкәләрендә сынап карыйсым килә, – ди Алсу. – Картиналар язу ялыктырып җибәрсә, нинди дә булса кул эшенә тотынам. Монысы борынгыларыбыздан, каннан килә инде». 

Алсуның тагын бер күркәм үзенчәлеге – татар тарихы белән бәйле урыннарга сәяхәт итү. Шәһри Болгар, Кырым, Касыйм, Әстерхан... Әлеге изге урыннарда җыеп, йөрәгенә сеңдереп кайткан тәэсирләр соңыннан киндергә күчәчәк; Болгарга багышланган, тирән фәлсәфә салынган картиналары мәртәбәле күргәзмәләрдә урын алачак, «Иске Ка­зан» сериясе исә рәссамнан Казаныбызның меңъеллыгына бәһаләп бетермәслек бүләк булачак...

...Җәйнең чыдап булмаслык челләсе. Мондый шартларда иҗат турында уйлау мөмкин дә түгел­дер кебек. Алсу исә октябрь аенда «Хәзинә» галереясында узачак шәхси күргәзмәсенә әзерләнә. «Йолдызна­мә буенча билгем – Җир бит минем, – ди ул, минем сораулы карашыма җавап итеп. – Әледән-әле бакчама барып, җирдән көч-егәр җыеп кайтам».


«Сөембикә» № 8, 2010.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com