Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятРәссам сәхифәсе → Китап эчендә — күргәзмә

Китап эчендә — күргәзмә

Гөлсинә Шәрифуллина
Гөлсинә Шәрифуллина
28 декабря 2015
1058 карау
Сәхифәбезнең кунагы — Татарстан Республикасының атказанган сәнгать эшлеклесе, Татарстан Мәдәният министрлыгының Бакый Урманче исемендәге премиясе лауреаты, Россия Рәссамнар берлеге әгъзасы, Татарстанның халык рәссамы Фәридә Шаһимәрдан кызы Хәсьянова.

— Фәридә ханым, сез китап графикасы остасы, балалар китапларын бизәүче буларак танылган рәссам. әлеге җыентыкны бизәргә нәкъ менә сезнең алынуыгыз очраклы хәл түгелдер кебек…
— 2004 елда миңа Президентыбыз Минтимер Шәймиевнең Казанның меңъеллыгы сувенир-бүләкләре арасында «Татар халык әкиятләре» җыентыгын күрәсе килү теләген җиткергәннәр иде. Президентның теләге минем рәссам буларак күптәннән күңел түремдә йөрткән ният-хыялым белән тәңгәл килгәнгә, кичекмәстән эшкә керештем. әлбәттә, мондый саллы хезмәтне бер ел эчендә башкарып чыгу мөмкин түгел иде. 

— «Татар халык әкиятләре» җыентыгын халкыбызның матди культурасы энциклопедиясенә тиң дип бәяләделәр…
— Мин бу хезмәткә тотынганда, иллюстрацияләрем аша халкыбызның йөзен, тарихын, бай рухи, матди мирасын дөньяга таныту; татарларда үз милләтебезгә карата мәхәббәт, патриотизм хисе тәрбияләү кебек олы һәм җитди максатларны күз алдымда тоттым. үземнең бөтен тормыш тәҗрибәмне, белемемне, осталыгымны эшкә җиктем. Китапка кергән 33 иллюстрациядә, пейзаж булсынмы, архитектурамы, кием-салым, көнкүреш җиһазлары, бизәнү әйберләре һ. б. — һәркайсын чынбарлыкка туры китереп, этнографик төгәллек белән башкардым. Чит халыкларга караган кайбер персонажларны иҗат иткәндә, үземдәге бай китапханәдән тыш, этнографик материалларны хәтта Америка милли китапханәсеннән дә соратырга туры килде. үзебезнең элеккеге көнкүрешкә, архитектурага хас булган әйберләрне торгызганда, Арча ягында үткәргән балачак истәлекләремнән, күргән-күзәткәннәремнән файдаландым, музейларга йөрергә туры килмәде дә диярлек. Әгәр җыентык укучыларыбыз күңеленә юл табып, тарихыбызга карата кызыксыну, милләтебез белән горурлану хисләре уята алса, димәк, үземне максатыма ирешкән дип саный алам.

«Сөембикә», № 6, 2008.

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy