Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битМәдәниятРәссам сәхифәсе → ​Тарихи үткәнгә йөз белән

​Тарихи үткәнгә йөз белән

Равия ЗАРИПОВА
Равия ЗАРИПОВА
29 сентября 2015
1226 карау
Надия ФӘХРЕТДИНОВА Казан шәһәрендә туып-үсә. Шуңа да Казан каласындагы урам күренешләрен ул яратып, якын, үз итеп тасвирлый. Аның аулак, тыныч урамнары белән беррәттән, шау-шулы шәһәр тормышына да киң урын бирә. Рәссамның «Комлев урамы», төрле ел фасылларындагы Эрмитаж бакчасы күренешләре, зооботаник бакчасындагы җәйге үсемлекләр дөньясын сурәтләү һәм башка күп кенә хезмәтләре Казан шәһәренең үзенчәлекле бизәкләрен ассызыклыйлар.


Рәссам үз иҗатында Казанның тарихи яктан истәлекле урыннарын тасвирлауга зур игътибар бирә. Бу кызыксыну аны киң планда татар халкы тарихын өйрәнүгә, иҗат итүгә алып килә. «Сөембикә» рәсемендәге төп герой – горур, уйлап эш итүчән, акыллы, сабыр, сылу. Надия Фәхретдинова тарихи шәхесләрнең эчке бирелеше белән бергә аларны әйләндереп алган мохиткә, кием-салымнарына, бизәнү әйберләренә җитди игътибар бирә, шул тарихи чорга туры килгән башка төр үрнәкләрен дә тәкъдим итә.

Рәссамның әсәрләре татар халкының тарихи үткән көнкүрешенә, күркәм гореф-гадәтләренә багышланган, аларда халкыбызның тарихи үткәне бөтен барлыгы белән, аерым милли нечкәлекләре белән чагылыш тапкан. Гомумән, рәссамның әсәрләрендә хезмәт яратучы, нәрсәгә генә алынса да, ахырына кадәр башкарып чыга торган тырыш халкыбыз өчен горурлану хисләре кичерәбез.

Язучыларыбыз, галимнәребез китапларына да яратып, илһамланып иллюстрацияләр ясый Надия Фәхретдинова. Рәссам бүген дә үзенең ару-талуны белмәс серле кылкаләме белән халкыбызның тарихи үткәнен яктыртуга зур өлеш кертә, үткәнебез белән горурлану хисен киләчәк буыннарга җиткерә.

«Сөембикә», № 7, 2010.

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com
Orgy