Витграсс – сәламәтлек эликсиры 

 

Моңа кадәр рационыгызда витграсс булмаган булса, кичекмәстән кертегез сез аны. Гади генә итеп әйтсәк, витграсс – бодай уҗымыннан әзерләнгән эчемлек ул. Дөрес туклану сәхифәсен даими әзерләүче Камилә ДИМӨХӘММӘТОВА бу юлы безгә аның файдалы үзлекләрен ачар һәм әзерләү серләрен өйрәтер. Әлеге эчемлектә 70 процентка якын хлорофилл бар, ә ул организмны авыр металлардан чистарту процессында катнаша һәм гемоглобинны күтәрә. 

Ике аш кашыгы витграсстагы файдалы матдәләр күләме 1,5 кг тазә яшелчәнекенә бәрабәр. Ул тимергә, бакыр, кальцийга бай, составында аминокислоталар, антиоксидантлар, Е, B 1, B 2, B 3, B 6 витаминнары булуы белән кыйммәтле. 

 

Бодай уҗымының согы: 

начар холестеринны киметә; 

кандагы шикәр күләмен көйли; 

какшаган иммунитетны ныгыта; 

ялкынсынуларга каршы тора; 

дөрес туклану рәвешен саклаганда артык авырлыктан арынырга булыша; 

тукымаларның яңаруын тизләтә; 

организмны токсиннардан һәм шлаклардан чистарта; 

калкансыман бизнең эшчәнлеген яхшырта; 

организмны яшәртә. 

 

Әлеге могҗизалы эчемлекне ничек ясаргамы? Беренче карашка аны әзерләү озак сыман тоелырга мөмкин, ләкин без ул эчемлекне берничә атналык итеп әзерлибез. Моның өчен башта тарттырылмаган бодай сатып алып, аны үрдерергә кирәк. Үз тәҗрибәмнән чыгып әйтәм, минем бу беренче тапкырдан килеп чыкмады. Бодай күгәрде дә яраксызга әйләнде. Ничектер, берсендә интернетта бодай үрдерүнең бик кызыклы бер ысулын очраттым. Ул нәкъ менә бу эштә әлегә тәҗрибәсе булмаганнар өчен ярашлы. Зоокибеттән песиләр өчен  рәшәткәле лоток сатып алабыз. Лотокны алганда игътибар итегез: өчпочмак эчендә «5» саны язылган булсын. Бу – аның азык-төлек өчен яраклы пластиктан ясалуын белдерә. 

Бодайны юып (бер лотокка 150 г бодай), өстенә чиста су агызабыз. 5-6 сәгатьтән бодай бүртә. Лотокның рәшәткәсенә марля яки бәз җәеп, бераз туфрак салабыз. Пульверизатордан су бөркеп, җирне юешлибез һәм бүрткән бодайны тигезләп тезеп чыгабыз. (Туфракның сыйфатлысын алыгыз, бодай андагы минералларны үзенә ала.) Туфрак урынына юеш салфетка кулланып, бодайны салфетка өстендә дә үрдерергә мөмкин. 

Лотокның өстен 2-3 көн – бодай тишелеп чыкканчы – полиэтилен элпә белән каплап торабыз. Көнгә берничә тапкыр ачып, пельверизатордан су бөркү мәҗбүри. Күгәрер дип курыксагыз, суга бер чәй кашыгы тозлы кәбестә суы өсти аласыз. 

2-3 тәүлектән бодай уҗымы баш калкыта башлый. Хәзер аның өстендәге элпәне алып, савытны тәрәзә төбенә куярга кирәк. Тагын 5-6 көннән уҗымны кыркып, согын да ясарга була. 

Сок ясар өчен шнеклы соксыккыч яки иттарткыч кирәк. Иттарткыч куллансагыз, тарттырылган уҗымны марля аша сөзәргә кирәк. Әзер сокны боз өчен тәгаенләнгән формаларга салып, туңдыргычта алты айга кадәр сакларга мөмкин. 

Ничек кулланырга? 

Һәр иртәне берәр шакмак туңдырылган соктан башлагыз. Аны бер стакан лимонлы суга да салып эчәргә була. Организм ияләнгәч, көненә 2-3 шакмакка кадәр арттырыгыз. Бу бик көчле чара, моңарчы организмыгызны чистартмаган булсагыз, беренче көннәрдә дискомфорт та сизелергә мөмкин. 

Сәламәт булыгыз! 

 

 

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 8 апрель 2020 - 09:23
    Без имени
    СПИД белэн ВИЧ бер тугел бит! Икенче диагноз белэн озак яшэргэ була. Шул диагноз булган кешелэр янында эшлэдем.Кызыксынып куп материал укыдым.Куп вакытта "зэнгэрлэр"берсеннэн берсенэ кучерэ бу чирне.Пациентлар аны яшерэ инде.Бу журналда андый темага язышу юк.Минем язган теркэлмэсэ дэ анлыйм, хормэтле админ.
    Бер тамчы ярату да җитә...
  • 8 апрель 2020 - 11:29
    Без имени
    Рамис ,Рима кебек житэкчелэр кубрэк булсын иде,беркнмдэ китмэс идетуган авылларыннан.Эшчелэренен кэдерен белеп,хормэтлилэр.
    «Мин көчле булырга тиеш...» 
  • 8 апрель 2020 - 20:12
    Без имени
    Айсылу бик авыр хэллэрдэн сон,озак качып йоргэннэн сон,аларны Золфиянен этисе эзлэп таба hэм аларнын язмышлары кушыла,азагы яхшы бетэ,борчылмагыз
    Ай сылуы
  • 8 апрель 2020 - 20:07
    Без имени
    Азагын ватсаптан жибэрэ Алам, кемгэ кирэк
    Ай сылуы
  • 8 апрель 2020 - 20:18
    Без имени
    Ты! модератор кисэге, какого черта минем комментарийларны бастырмый ын,куркасын,что кешелэр азагын белерлэр дэ , дальше укымаслар дип,тебе нравится людей держать в напряжении,в таком случае у тебя мелкая душонка!!!!!
    Ай сылуы
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...