Энергияне арттырабыз! 

Менә бу ял көннәрендә без, хатын-кызлар әллә ниләр эшләп ташлар идек инде! Шимбә-ялларга тау-тау булып эшлисе эшләр исемлеге өелә. Өй җыештыру, кибеткә чыгып керү, балалар белән паркка, музейга бару, үзеңә вакыт калдыру, дуслар белән очрашу, пешерү-төшерү... Уфф! Санап чыкканчы да арып бетәсең! Якшәмбе кичендә эшләгән эшләрнең исемлегенә салганнан соң... планлаштырганның яртысына да көч (бәлки, вакыт?!) җитмәгәнне аңлыйсың да, күңел төшә кайчак... Күбрәкне булдырасы килгән иде бит! Бу ялларга да гына эшлисе эшләр шундый күп иде! 

Кайвакыт шулай да була: вакыт та бар, тик эшләргә энергия җитми! Ә хатын-кызның һәр гамәле аның эчке энергиясе, кәефе белән бәйле икәнлеге дә сер түгел бит инде. Баксаң, иң күп энергиябезне эшләнмәгән эшләребез ала икән бит! Эшләнмәгән эшләрне искә төшереп, «Их!» дип уйлап куюга, энергиянең бер өлеше югала да китә икән. Психологлар бу турыда күп сөйли. Без дә бер алым кулланып карыйк әле. 

Әйдәгез, кулга кәгазь һәм ручка алабыз да, искә төшкән бөтен эшләнмәгән эшләр исемлеген язып чыгабыз. 

Укылмаган китаплар... 

Карап бетерелмәгән фильмнар... 

Бәйләнеп, тегелеп бетмәгән әйберләр... 

Чынга ашыра алмаган идеяләр... 

Реклама

Күптән шалтыратып сөйләшергә җыенган кешеләр... 

Тәртипкә китерергә җыенган киштәләр, киемнәр... 

Күңелдән генә гәп корып, шулай әйтәсем, болай итәсем калган дип йөргән кешеләр исемлеге... 

Менә шулай башта йөргән бөтен әйберләрне кәгазьгә төшерәбез. Язып бетергәч, тубал кебек баш чистарып, җиңеләеп киткәне сизәрсез. Йә, тагын бер кат карап алыйк әле исемлеккә. Кайсын эшләмәскә дә ярый, аларын сызабыз, мөһим дигәннәре янына җай табып эшләнәчәк даталарны язып куябыз. Алдагы көннәрдә инде аларны ничек тә эшләп кую җаен табарга кирәк. Бу эшне тәмамлагач, җиңеллек һәм көч, энергия килгәне сизелер. 

Тагын бер киңәш языйм әле. Алдагы көннәрдә күбрәк эшкә өлгерергә телисез икән, кич ятар алдыннан,  иртәгәсе эшләр планын язып куярга гадәтләнегез. Сыналган алым, ярдәме зур! 

Уңышлы көннәр, уңышлы атналар телим! Бәхетле булыйк! 

 

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 25 февраль 2020 - 08:35
    Без имени
    Мин билгеле матур итеп яза белмим лэкин мин автор б,н килешмим. Мин ирекле кош диюгезне бэхет димэс идём. Без 37 ел гомер итэбез аллага шокер. Чит иллэргэ йормэдек лэкин мин узем не бэхетле дип эйтэ алам ике бала устердек, оныкларыбыз ны соеп туя алмыйбыз. Яратышып ойлэнешмэдек, лэкин бер _беребездэн башка Яши алмыйбыз. Хазер кызлар га ботен нэрсэ сразо кирэк акчалы, машиналы, квартиры... Барысын бергэ табу турында куп кызлар уйламыйда. Шуна ялгыз кызлар куптэ инде.
    Ирек хакы
  • 25 февраль 2020 - 09:21
    Без имени
    Ботен эшемне ташлап укып чыктым....бер сулыштан............Искиткеч👍💕
    Кеше белән кеше юкка очрашмый
  • 25 февраль 2020 - 10:11
    Без имени
    Сезнен камыр белэн пешереп карыйм эле буген,аллага тапшырып.
    Төче камыр рецепты
  • 25 февраль 2020 - 14:44
    Без имени
    Алланын рэхмэт булсын, шундый матур язылган эсэров очен
    Ай сылуы-5
  • 25 февраль 2020 - 15:14
    Без имени
    Шундый тирэн эчтэлекле, фэhемле эсэр. Мин узем дэ мина авырлык салганнарга якшылык эшли-эшли качтым. Жаным тыныч шуна. Бэхет бит ул шулай булу. Бик ошады, рэхмэт авторга.
    Битлек
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...