Марат Бәшәров «Зәкят» фондына 1,25 миллион тапшыра

Күренекле актер Марат Бәшәров күптән түгел НТВ каналында барган «Секрет на миллион» ток-шоуында катнашты. 

Тапшыруны алып баручы Лена Кудрявцеваның шактый четерекле, төртмәле сорауларына җавап бирергә туры килде аңа. Исерткеч эчемлекләр эчү, хатыннарына кул күтәрү белән бәйле сораулар да яңгырады. «Чыннан да, хатын-кызга кул күтәргәнегез бармы?» – дигән сорауга, актер, уйлап та тормыйча, «әйе» дип җавап бирде. 

Әмма Марат Бәшәровның иң зур сере аның үги әти белән үсүе булды.

– Әллә 6 нчы, әллә 7 нче класста укыганда, очраклы рәвештә бу документны табып алдым, – дип сөйли ул. – «Марат АлимжановичБашаров» дип язылган... Ә мин әтиемнең исеме Вафа дип беләм. Фамилиямне Юнысов дип. Мәктәпкә дә Марат Юнысов булып киттем.

Бер атнадан соң җаен табып, әнигә бу хакта сүз кузгаттым. Ул мине каршыма утыртты да:

– Яшь чагым иде... Гашыйк булдым. Ул да миңа гашыйк булды... Ә синең туасыңны белгәч, мине ташлап китте, – диде.

Тапшыру барышында актер үзенең чын әтисе белән дә очрашты. 

 

Ток-шоуның кагыйдәсе буенча, катнашучы бик зур серен ача икән, аңа акча бирелә – 1, 25 миллион сум.

Марат Бәшәров бу акчаны Мәскәү Җәмигъ мәчете каршында эшләүче «Зәкят» хәйрия фондына тапшырачагын әйтте. 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 14 май 2020 - 09:36
    Без имени
    Искиткеч гыйбрэтле хикэя!Азагы бик матур тэмамланган.Хэмидэгэ шул кирэк.
    Беренче туй
  • 14 май 2020 - 09:36
    Без имени
    Эйе шул, ялкау, булдыксыз ирне тозэтеп булмый! Бокрене кабер генэ тозэтэ, дип юкка гына эйтмэгэннэр!
    Ялкау ирне үзгәртеп буламы?
  • 14 май 2020 - 09:50
    Без имени
    Эбинен зур ялгышы.Тырный-тырный куып чыгарырга кирэк булган ул хэшэрэтне.Кызына килгэндэ,хэшэрэт елан.Ничек итеп белэ торып атан кочагында ятарга.Аллам сакласын.
    Азгыннар
  • 14 май 2020 - 10:05
    Без имени
    Ә нигә дәвамы юк? Аны күпме көтәргә кирәк соң? Икенче көнне үк куярга да буладыр бит.
    «Керфекләрең белән кагыл миңа...»
  • 14 май 2020 - 16:36
    Без имени
    Ялкау кеше узгармай, ул шулай тарбияланган, эшлап усмаган, узгартерга тырышып, ахмаклык, сухой пенёк поливать итеу, бына шулай
    Ялкау ирне үзгәртеп буламы?
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...