Лилия Сәлахетдинова: «Реамобильдә Мәскәүгә барышыбыз. Догада булыгыз!»

Шагыйрә Лилия Тимергалиеваның (Сәлахетдинова) бәби көтүен, әлеге сөенечле хәбәрнең алар өчен берүк вакытта зур сынау да булуын язган идек. Лилия тумыштан авыр генетик чирдән интегә – бәллүр кыз ул. Авырга узуын белүгә, табиблар аңа йөклелекне өзәргә киңәш иткән иде. Әмма Лилия үзе дә, ире дә Аллаһы Тәгаләнең алар гаиләсенә биргән бу бүләген саклап калырга теләделәр. «Барысы да Аллаһы Тәгалә кулында», – дигән иде Лилия ул вакытта.

Бүген иртән шагыйрә үзенең Инстаграмм аккаунтына яңа хәбәр куйды – реамобильдә Мәскәүгә юл тотуларын язды.

«Менә искиткеч сынау айлары артта калды. Миңа калса, «йөклелекне өзегез» дип, консилиумнарда безне күбрәк тә куркыттылар бугай. Бу... һөкем карары булып, чарасызлык булып яңгырый иде. Менә хәзер, реамобильдә Мәскәүгә барганда мин моны аңлыйм: ирем белән без җиңел юл сайламадык, хәер, бөтен гомер юлыбызда да җиңел юллар сайламадык бугай.

Иремнең мине гомер юлдашы итеп сайлавы сүзләремә дәлил. Бернигә дә карамастан, без яшәүне сайладык, һәм мин моңа тамчы да үкенмим, соң бу бит искиткеч! Хәзерге вакытта балам тулысынча сәламәт, бу бәхет түгелмени!?

Инде бик тиздән без яңа елмаю күрербез, яңа аваз ишетербез һәм, Алла теләсә, әти-әни булуның мизгелләрен татырбыз.

Дусларым, безнең өчен догада булыгыз. Хәзер безгә сезнең ихлас догагыз бик кирәк. Барысы да яхшы булырына ышанабыз».

Пост астына ике йөзгә якын кеше теләктәшлеген белдереп, җылы сүзләр язып калдырган. Лилия һәм аның туасы сабые өчен барыбыз да догада булыйк, бәхетле әти һәм әни булулары белән котларга язсын үзләрен.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (9)
Cимвол калды:
  • 8 май 2020 - 18:36
    Без имени
    Исэнлек саулык телибез🧕🧕🧕
  • 8 май 2020 - 15:38
    Без имени
    Исәән имин булыгыз! Барда яхшы булыр.
  • 8 май 2020 - 00:30
    Без имени
    Ходай тэгалэ ярдэменнэн ьашламамын. Бик бэхетле эни булуынны телим, балакай.
  • 7 май 2020 - 16:51
    Без имени
    Лилия исэнмесез,мин бик шатмын, бала котуегез белэн.син куркмыйсынмы Иреннен диогнзы бала да булыр дип.ул авыру нэселдэн бирелэ.
  • 7 май 2020 - 16:27
    Без имени
    Исэн сау булыгыз яраббым, иуасы сабый сау сэламэт булып туып сезне куандырып яшэргэ язсын
  • 7 май 2020 - 13:37
    Без имени
    Хэркемнен бэхетле булырга хакы бар, бэхетле булып бэбиегезне пар канатлар астында устерегез.
  • 7 май 2020 - 09:14
    Без имени
    Всё в руках Аллаха. Пусть мечта исолнится.
  • 7 май 2020 - 06:55
    Без имени
    Барысы да яхшы булыр Алла бирсэ!Ходай ярдэменнэн ташламасын!
  • 7 май 2020 - 06:01
    Без имени
    Буквы с утра скачут. Последстви есячной самоизоляции..
Хәзер укыйлар
Соңгы комментарийлар
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...