«Ял итәргә Төркиягә барыгыз!»


Төркиянең Казандагы генераль консулы Исмет Эрикан белән очрашуны
журналистлар аеруча кызыксынып көтеп алды.
– Хәерле көн! – дип башлады ул сүзен. – Таныш йөзләр күрәм. Арада яңа
йөзләр дә бар... – Төркия консулы елмаеп шулай сәламләде. – Мин барыгызга
да сәламәтлек телим! Соңгы вакытта аның бик кирәк икәнен тойдык без.
Һәм ул соңгы вакытта бөтен дөньяны сагайткан күңелсез хәбәрләргә тукталды.
– Хәзер вазгыять бик катлаулы, көн саен бер яңалык. Көн тәртибе гел үзгәреп
тора. Коронавирус, нефть кризисы, Сириядәге ситуация... Ләкин без боларны
җиңәрбез дип уйлыйм. Гел караңгы көннәр генә булмас, якты көннәр дә килер,
– дип, ул журналистлар сорауларына җавап бирүгә күчте.
Сириядә миллионлаган кешеләрнең йортсыз калып, качаклар хәлендә Төркиягә
агылуын, ул качакларның Төркиягә 40 миллиардка якын долларга төшүен,
Идлиб янында 21-22 яшьлек егетләрнең –36 төрек солдатының үтерелүенә
тукталып, Төркия белән Россиянең бу конфликтны тыныч хәл итәргә
тырышуына тукталды. Сириядәге хәлләр буенча Россия президенты Владимир
Путин белән Төркия президенты Тайип Эрдоган арасында Мәскәүдә узган
сөйләшүләрдән барысы да канәгать калуын җиткерде.
– Коронавирус бөтен дөньяны чолгап алды. Төркиягә дә килеп җитте.
Европадан килгән кешедә табылган ул вирусны тиз туктаттылар, – диде ул.
Гомумән, Төркиядә катгый куркынычсызлык чаралары күрелүен, автобус,
метроларда, Төркия һава юллары самолетларында көчле дезинфеция
үткәрелүен, транспорт тукталышларында махсус чаралар уздырылуын хәбәр
итте. Төркиядә ял итәргә җыенучыларны да тынычландырды.
– Төркиядә хәзер 20 градус җылы. Июль, август, сентябрьләрдә андагы челләгә
чыдап булмый. Ә коронавирус эсседән курка ул! Рәхәтләнеп ял итә аласыз
бездә, – дип, Төркиягә чакырды.
Исмет Эркин шулай ук Татарстан белән Төркия арасындагы багланышларга
тукталды. Татарстан Мәдәният министрлыгы, Казан федераль университеты
белән эшлекле элемтәләр урнашуына югары бәя бирде. Тиздән Казанда Төркия
рәссамнары күргәзмәсе ачыласын, Төркия артистларының концерты буласын
җиткерде.

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...