Цифралы җанисәп өчен талисман 

 

 

Илкүләм конкурста катнашып, 2020 елда Бөтенроссия халык санын алу талисманын иҗат итүчеләрнең эшләрендә җәнлекләр һәм кошлар, мифик һәм реаль образлар аеруча еш очрый. Россиянең 74 төбәгеннән 500 дән артык автор үз идеяләрен җибәргән. 

 

10 февральдә 12:00 сәгатьтә җанисәп талисманына конкурста эшләр кабул итү тәмамланды. Җиңүче ике этапта ачыкланачак: ачык тавыш бирү юлы белән һәм жюри сайлавыннан чыгып. Бөтенроссия халык санын алуның рәсми сайтында (strana2020.ru) теркәлгән һәркем үзенә ошаган эшкә тавыш бирә ала. Конкурста җиңүче 60 мең сум күләмендә приз алачак, ә ул иҗат иткән талисман Бөтенроссия халык санын алуның эмблемасы булып китәчәк. 

Конкурста катнашучылар 900 дән артык эш тәкъдим итә. Мәскәү, Ленинград һәм Саратов өлкәсендә яшәүчеләр аеруча активлык күрсәткән. Кайбер конкурсантлар икешәр-өчәр эш җибәргән. 

Реклама

Бөтенроссия халык санын алу талисманы ике параметрга туры килергә тиеш. Беренчедән, халык санын алуның ил киләчәге өчен әһәмиятен җиткерү, икенчедән, кайда яшәвенә, нинди телдә сөйләшүенә, кайсы милләт, кайсы дин вәкиле булуына карамастан, һәр россияле өчен якын һәм аңлаешлы булу. 

Тәкъдим ителгән эшләр арасында аю, тычкан һәм эт образлары лидерлык итә. Күпләр өчен Бөтенроссия халык санын алу символы кошлар аша белдерелә. 20 ләкләк, 15 ябалак, 2 сәмруг кош һәм 1 үрдәк сурәте килү шул хакта сөйли. Конкурсантларның өчтән бере ВПН-2020 нең беренче цифралы җанисәп икәнен  күздә тотып, үз талисманнарын электрон планшетлар һәм смартфоннар белән баеткан. 

Җиңүче талисман сурәте Бөтенроссия халык санын алу кампаниясе барышында барлык басма, мәгълүмати һәм реклама продукциясендә файдаланылачак. Җанисәп символы кем буласын тиздән белербез. Ошаган талисманга 11 февральдән 21 февральгә кадәр тавыш бирергә мөмкин. 

Иң мөһиме: бары бер генә эшкә тавыш бирергә мөмкин! 

Иң күп баллар җыйган катнашучыларның шорт-бите формалаштырылачак.  Шулар арасыннан жюри финалистларны сайлый. 

2020 елның 28 февраленнән соңга калмыйча конкурска йомгак ясалачак.       

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 25 февраль 2020 - 08:35
    Без имени
    Мин билгеле матур итеп яза белмим лэкин мин автор б,н килешмим. Мин ирекле кош диюгезне бэхет димэс идём. Без 37 ел гомер итэбез аллага шокер. Чит иллэргэ йормэдек лэкин мин узем не бэхетле дип эйтэ алам ике бала устердек, оныкларыбыз ны соеп туя алмыйбыз. Яратышып ойлэнешмэдек, лэкин бер _беребездэн башка Яши алмыйбыз. Хазер кызлар га ботен нэрсэ сразо кирэк акчалы, машиналы, квартиры... Барысын бергэ табу турында куп кызлар уйламыйда. Шуна ялгыз кызлар куптэ инде.
    Ирек хакы
  • 25 февраль 2020 - 09:21
    Без имени
    Ботен эшемне ташлап укып чыктым....бер сулыштан............Искиткеч👍💕
    Кеше белән кеше юкка очрашмый
  • 25 февраль 2020 - 10:11
    Без имени
    Сезнен камыр белэн пешереп карыйм эле буген,аллага тапшырып.
    Төче камыр рецепты
  • 25 февраль 2020 - 14:44
    Без имени
    Алланын рэхмэт булсын, шундый матур язылган эсэров очен
    Ай сылуы-5
  • 25 февраль 2020 - 15:14
    Без имени
    Шундый тирэн эчтэлекле, фэhемле эсэр. Мин узем дэ мина авырлык салганнарга якшылык эшли-эшли качтым. Жаным тыныч шуна. Бэхет бит ул шулай булу. Бик ошады, рэхмэт авторга.
    Битлек
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...