Карантинда 18 дөнья рекорды. Чемпионга бары 11 яшь

 

Үзизоляцияне төрлечә үткәрәләр. Укылмаган китаплар киштәдән төште, каралмаган кинолар каралды, башкарылмаган эшләр эшләнде. Аларны бакча эшләре алыштырды. Ә менә Екатеринбургтан 11 яшьлек мәктәп укучысы Каролина Черных вакытын бушка уздырмаган. Ул дөнья рекордлары марафоны оештырган.  

  

Каролина пауэрлифтинг һәм көч ярышларында 8 яшьтән катнаша башлый. Тонналы тимерләр күтәреп һәм тартып рекорд куйган кыз 37 килограмм авырлыкта гына. Ул әле фотомодель булып та эшли. Апрель башында үзенең «Рекордлар марафоны» вакытында ул 13,5 тонналы автомобильне «буксирга ала».  

Кыз бик тә герләр ярата, аларның коллекциясен җыя икән. Бер рекорды шул спорт инвентаре белән бәйле. 10 минут эчендә ул 8 килограммлы герне 354 тапкыр күтәрә. Үз аккаунтында ул бу шөгыльнең авыр икәнен яза. Ләкин теннис уйнаучылар өчен бик кирәк күнегү дип саный. Каролина әле теннис та уйный. Кайбер рекордны ул үз авырлыгы белән генә куя. Мәсәлән, үз авырлыгын күтәреп ул 6 минут 2 секунд баш түбән басып торган. 

 Каролина яткан килеш штанга күтәрүне аеруча ярата икән. Ул монда да рекорд куйган. 20 килограммлы штанганы бер минут эчендә 50 (!) тапкыр күтәргән. 

Шул рәвешле апрель ае буена ул 20 рекорд куйган. Аларның 18е – дөньяви, икесе Россия буенча. 

Кыз үз социаль челтәрендә ата-анасына рәхмәтен әйтеп язган. «Үзизоляция башлангач әни миңа көнлек режим төзергә, башкарасы эшләргә, максатлар турында план төзергә кушты. Мин утырып яздым һәм куйган максатларыма ирештем», – дип яза ул. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 14 май 2020 - 09:36
    Без имени
    Искиткеч гыйбрэтле хикэя!Азагы бик матур тэмамланган.Хэмидэгэ шул кирэк.
    Беренче туй
  • 14 май 2020 - 09:36
    Без имени
    Эйе шул, ялкау, булдыксыз ирне тозэтеп булмый! Бокрене кабер генэ тозэтэ, дип юкка гына эйтмэгэннэр!
    Ялкау ирне үзгәртеп буламы?
  • 14 май 2020 - 09:50
    Без имени
    Эбинен зур ялгышы.Тырный-тырный куып чыгарырга кирэк булган ул хэшэрэтне.Кызына килгэндэ,хэшэрэт елан.Ничек итеп белэ торып атан кочагында ятарга.Аллам сакласын.
    Азгыннар
  • 14 май 2020 - 10:05
    Без имени
    Ә нигә дәвамы юк? Аны күпме көтәргә кирәк соң? Икенче көнне үк куярга да буладыр бит.
    «Керфекләрең белән кагыл миңа...»
  • 14 май 2020 - 16:36
    Без имени
    Ялкау кеше узгармай, ул шулай тарбияланган, эшлап усмаган, узгартерга тырышып, ахмаклык, сухой пенёк поливать итеу, бына шулай
    Ялкау ирне үзгәртеп буламы?
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...