Дөньяның иң өлкән хатын-кызы вафат: ул соңгы баласын 66 яшендә тапкан

Шушы көннәрдә Таджикстанда дөньяның иң олы хатын-кызын җирләделәр. Фотима Мирзокулова 127 нче яшендә вафат булган. Аны үзенең туган авылында – Даханда җирләгәннәр. 

Ике ел элек, 125 яше тулган көннәрдә аның белән журналист очрашып әңгәмә корган. Әби үзен эзләп ерактан килгән кунак белән рәхәтләнеп аралашкан: ялгышмыйча, бутамыйча үткән гомере турында сөйләгән. Хәтеренә шаккатканнар! 

Ул 1893 елның 13 мартында дөньяга килә. Гап-гади гаиләдә үсә – әти-әнисе кырда эшләгән. 20 яше тулгач кызны кияүгә бирәләр. Ире Ахмадали шулай ук гади крестьян була.  

1941 елны ире сугышка китә. Фотима кулында ике бала кала, өченчесе – карынында: бүген таңда туарга тиеш. Олы улы Рузибой берничә ел элек, 86 яшендә инде вафат булган.  

Ахмадалиның фронтта хәбәрсез югалуы турында хәбәр килә. Хатын әле аны, өметен өзмичә, тагын ун ел көтә... 

Авыр чаклары күп була: ялгыз башың өч баланы аякка бастыру ничек җиңел булсын инде?! Якыннары аны кабат кияүгә чыгарга үгетлиләр. Ризалаша. Икенче ире – Махкамбой Мирзокулов белән алар 36 ел бергә яшәп калырга өлгерәләр. Алар өйләнешкәндә Фотимага – 58, ә иренә 72 яшь була. Уртак 5 балалары туа! Иң кечкенә улын ул 66 (!) яшендә таба! Ә иренә инде бу вакытта 80 яшь була! Гаҗәп бит...  

Фотима-очи (таджикча «әби» сүзе шулай тәрҗемә ителә икән) ирен соңгы юлга 30 ел элек озаткан. Соңгы вакыт сиксәнгә җитеп килүче кызы Рохата, оныгы белән яшәгән. Аның 80 оныгы, 80 тураны һәм тураннарының 50 баласы бар инде!  

Реклама

Оныгы Мөхәммәд әбинең озак яшәү серен бик гади итеп аңлаткан: 

– Әби гел эш белән мәшгуль булды, – дигән ул. – Бөтен кешедән соң ятты, иртә торды. Кечкенә чактан хәтерлим, мин йокыдан уянганда ул инде гел бакчада була торган иде. Безнең ишегалдыннан ук тау чишмәсе ага – аның озак яшәвенең сере, бәлки, шушы су белән дә бәйледер. 

Фотима әби чәчәкләр үстерергә яраткан: алар белән әвәрә килүдән туктаганына 3-4 ел гына булган әле. Гомер буе сыер асраганнар: сөт, кефир, әйрән, май, эремчек – барысын да үзләре ясаганнар. Ул дарулар эчмәгән диярлек. Бик тыныч холыклы булган, берәү белән дә сүзгә килмәгән, тавыш күтәрмәгән. Беркемгә дә начарлык кылмаган. Тирә-күршеләре белән тату яшәгән. Сәясәт белән кызыксынмаган, китаплар укымаган.  

Журналист әңгәмә вакытында аннан кат-кат: «Сезгә нәрсә кирәк? Берәр үтенечегез юкмы?» – дип сораган.  

– Минем инде бер теләгем дә калмады, – дип җавап биргән ул. – Нәрсә турында хыяллансам – барысына да ирештем. Шөкер, бөтен нәрсәм дә бар. Бер әйбер генә телим – сәгате җиткәч, җиңел генә үлеп китә алсам икән...  

 

Фотима Мирзокулова Җир йөзендәге иң өлкән хатын-кыз дип саналса да, аның исеме Гиннес рекордлар китабына кермәгән. Кәгазь эшләре артыннан йөреп, моны раслаучы берәр кеше табылмагандыр инде. Рәсми рәвештә исә дөньяның иң өлкән хатын-кызы дип Жанна Луиза Кальманны атыйлар. Ул 1997 елда 122 яшендә Франциядә вафат булган.  

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 25 февраль 2020 - 08:35
    Без имени
    Мин билгеле матур итеп яза белмим лэкин мин автор б,н килешмим. Мин ирекле кош диюгезне бэхет димэс идём. Без 37 ел гомер итэбез аллага шокер. Чит иллэргэ йормэдек лэкин мин узем не бэхетле дип эйтэ алам ике бала устердек, оныкларыбыз ны соеп туя алмыйбыз. Яратышып ойлэнешмэдек, лэкин бер _беребездэн башка Яши алмыйбыз. Хазер кызлар га ботен нэрсэ сразо кирэк акчалы, машиналы, квартиры... Барысын бергэ табу турында куп кызлар уйламыйда. Шуна ялгыз кызлар куптэ инде.
    Ирек хакы
  • 25 февраль 2020 - 09:21
    Без имени
    Ботен эшемне ташлап укып чыктым....бер сулыштан............Искиткеч👍💕
    Кеше белән кеше юкка очрашмый
  • 25 февраль 2020 - 10:11
    Без имени
    Сезнен камыр белэн пешереп карыйм эле буген,аллага тапшырып.
    Төче камыр рецепты
  • 25 февраль 2020 - 14:44
    Без имени
    Алланын рэхмэт булсын, шундый матур язылган эсэров очен
    Ай сылуы-5
  • 25 февраль 2020 - 15:14
    Без имени
    Шундый тирэн эчтэлекле, фэhемле эсэр. Мин узем дэ мина авырлык салганнарга якшылык эшли-эшли качтым. Жаным тыныч шуна. Бэхет бит ул шулай булу. Бик ошады, рэхмэт авторга.
    Битлек
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...