СУШИ-ТОРТ

Өй шартларында да суши-торт ясап карагыз әле. Бик тәмле килеп чыга.

 

Реклама

Кирәк:

 

2 данә нори (прессланган суүсемлек);

140 г дөге;

350 мл су;

10 г шикәр комы;

20 мл аш серкәсе (уксус);

1 данә кыяр;

1 данә авокадо;

120 г креветкалы каймак сыры (сливочный сыр);

150 г семга балыгы;

40 мл соя соусы.

 

Табынга чыгарыр өчен:

соя соусы, вассаби тәмләткече, маринадланган имбир.

 

Эш барышы:

 

Дөгене тозлы суда суы парга әйләнеп беткәнче пешерәбез. Дөге серкәсе (мондый аш серкәсе булмаса, 1 аш кашыгы гадәти – 9% аш серкәсе, 1 чәй кашыгы соя соусы белән алыштырып була), шикәр комы кушып, дөгене суытабыз.

Нори суүсемлеген кайчы белән нечкә генә итеп телеп, дөге янына кушабыз.

Суши өчен кырыйлары биегрәк булган савыт сайлыйбыз. Шул савытның төбенә азык-төлек пленкасы җәябез. Аның өстенә юка итеп туралган балык түшибез.

Балык өстенә озынчага юка телемләп киселгән кыярны урнаштырабыз.

Кыяр өстеннән тигез итеп сыр сылыйбыз.

Авокадоны кабыгыннан чистартып, шакмаклап турыйбыз да сыр өстенә тезәбез.

Соңгы кат итеп дөге белән нори суүсемлеге җәябез. Дөгене әйбәтләп тыгызлыйбыз да пленка кырыйларын төреп, өстеннән авыр әйбер белән бастырып,1 сәгатькә суыткычка куеп торабыз.

Суыткычтан алгач, савытны, балык өстә булсын өчен, яссы төпле тәлинкәгә әйләндерәбез. Пленканы салдырабыз.

Сушины кискәндә пычак очлы булсын. Аны әледән-әле суга тыгып алырга киңәш итәм, алай иткәндә, пычак бернәрсәгә дә ябышмый, кискән өлешләр дә тигез була.

Сушины табынга соя соусы, вассаби, маринадланган имбир белән чыгарабыз.

Тәмле булсын!

 

 

Теги: суши

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Шушы ук темага
Хәзер укыйлар
Соңгы комментарийлар
  • 15 февраль 2020 - 21:17
    Без имени
    Мин дэ 17ел торганнан сон качып киттем,иртэрэк качасы калган,гомеремне эрэм иттем...
    Бәхет шәүләсе
  • 15 февраль 2020 - 22:27
    Без имени
    Кат кат укып сыктым дауамы матур ботар тип омотта калам. Рахмат.
    Ай сылуы-4
  • 15 февраль 2020 - 22:28
    Без имени
    Бигерэклэрдэ. Кызганыч хикэя бик рэхмэт язуыгыз эчен
    Ай сылуы-4
  • 16 февраль 2020 - 05:04
    Без имени
    Сэерерэк конечно но шулай кирэктер
    ​Көндәшләр
  • 16 февраль 2020 - 07:50
    Без имени
    Бигерәкләрдә яхшы итеп язылган хикәя рәхмәт сиңа Мөнирә!
    Ай сылуы-4
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...