Кабак ашы

Безнең күбебез кабакны бигүк өнәми. Ә юкка! Кабак бик файдалы. Анда калий, магний, натрий, кальций, тимер, күкерт, бакыр, марганец, фтор бар. В, Е, РР, А, Е һәм С витаминнарына да бай ул. Кабакны азканлылык, ашказаны-эчәк, йөрәк-кан тамырлары чирләре белән авырганда көн саен ашарга кирәк. Файдасын тоймый калмассыз. Әмма шикәр чире, ашказаны җәрәхәте, әчелексез гастрит белән чирләүчеләргә кабак килешми. Кабактан ботка пешерәләр, бөккәннен ясыйлар, сутын эчәләр, төшен ашыйлар. Кабак төше эчәклектәге суалчаннарны бик яхшы куа. Әле кабактан бик тәмле аш та пешерәләр икән. Хәзер кабаклар өлгерде, әйдәгез, пешерәбезме?!
Кирәк
500 г чамасы чистартылган кабак;
1 баш суган;
50 г атланмай;
2 аш кашыгы үсемлек мае;
100 г каты сыр;
200 мл майлы сөт өсте (сливки);
1-2 данә лавр яфрагы;
Имбир тамыры, тоз, аштәмләткеч үләннәр.
 
Эш барышы:
Суганның кабыгын әрчеп, ваклап турыйбыз.
Имбирны чистартып, вак угычтан уабыз.
Тирән эчле кәстрүлгә үсемлек мае салып, суганны кыздырабыз. Шуңа шакмаклап тураган кабак, имбир, тоз, лавр яфрагы өстәп, кабак күмелер-күмелмәс булганчы кайнаган су агызабыз. Капкач белән томалап, ярты сәгатьләп пешерәбез.
Кабак пешкәч, суын түгеп, блендер белән издерәбез.
Шунда ук сөт өстен дә кушып, янә бик һәйбәтләп күпертәбез.
Әзер ашны тәлинкәләргә бүлеп, өстенә уылган сыр сибәбез, яшел үләннәр белән бизәп, табынга чыгарабыз.
Теләгән кеше ашка кабак төше дә куша ала. Ә без исә ашны киптерелгән ипи шакмаклары салып ашыйбыз. Ашларыгыз тәмле, тәнегезгә сихәт бирсен!
 
Ипи киптерү
Ипине шакмаклап турап, өстенә үзегез яраткан берәр төрле аштәмләткеч (тавык кыздырганда кулланылганын, мәсәлән) сибегез һәм яхшылап болгатыгыз. Ипи шакмакларын микродулкынлы мич тәлинкәсенә тезеп, өч минутка мичкә тыгып алабыз. Ипине тәлинкә тирәли генә тезегез, уртадагысы көя башлый аның.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 6 июль 2020 - 12:00
    Без имени
    Дорес хэлме икэн бу?
    Хыянәтнең исе нинди?
  • 6 июль 2020 - 11:14
    Без имени
    "Ак чэчэклэр" романынын яна варианты!!! Бик зур рэхмэт!
    Гомер – озын ул...(2)
  • 7 июль 2020 - 09:12
    Без имени
    Безнен Зифа Гаязовна турында язуыгыз өчен зур рәхмәт. Аны без яраттык һәм хөрмәт иттек, урыны оҗмазта булсын. Үзенә үзе кебек алмаш та калдырды
    Гомер – озын ул...(2)
  • 8 июль 2020 - 00:08
    Без имени
    Шәәәәәәп!
    Онлайн-Сабантуйдан соң онлайн-уйлану
  • 8 июль 2020 - 06:22
    Без имени
    Бик өстән- өстән язылган, эчтәлек сөйләүгә корылган. Әсәр дип зурлап әйтмәс идем. Сызды- бозды. Тыныш билгеләре дөрес куелмаган, хаталы. Ник, "Сөембикә"нең дәрәҗәсен төшереп, монда куясыз, гаҗәп?
    Кыланчык - 5
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...