Кайчак белмәвең яхшы 

 

Кырын эш кырык елдан соң да беленэ, диләр. Бу – шуның ачык мисалы. 

      Моннан 47 ел элек Әлки районының Базарлы Матакта урнашкан бала тудыру йортына бала табарга җыенган өч хатынны алып киләләр. Дөресрәге, берсе кызчыгын өйдә табып, ире аны тракторга утыртып алып килә. Шулай итеп, палатада бер көнне (1972 елның 23 октябрендә) ике кызчык дөньяга килә. Бәхетле әниләр – Наилә Гатина һәм Антонина Ферапонтова, тугыз ай карында йөртеп, зарыгып көтеп алган нәниләрен күкрәкләренә кысып, өйләренә кайтып китә. 

     Шуның белән барысы да онытылган булыр иде дә бит. Ләкин юк. 47 елдан соң язмыш гомернең бер мизгеле генә булган бу тарихка кире әйләнеп кайтырга, ике гаилә өчен дә чын мәгънәсендә фаҗигагә әверелгән гыйбрәтле вакыйганы бөтен ил каршында җентекләп күз алдыннан кичерергә мәҗбүр итте. 

      НТВ каналында ДНК тапшыруы бара. Алып баручы бала тудыру йортларында бала алыштыруларның ешаюы, соңгы вакытта гына да тугыз шундый очракның кабатлануы турында сөйли. Очрашуга чакырылган кунаклар арасында Антонина Ферапонтова юк инде. Ул күптән мәрхүм. Һәм... кызлар. Ферапонтовларның кызы – Ангелина Белова һәм Гатиннар гаиләсендә тәрбияләнгән Гөлфинә Грязнева. Кызлар дигәч тә, аларга хәзер 47 яшь. Гомернең яртысыннан кубрәге үтеп тә киткән. Һәркайсының үз гаиләсе, оныклары, оныкчыклары. ДНК аларның алышынган  булуын, ягъни чит гаиләдә тәрбияләнүен раслагач, Гөлфинә – әнисенең, Ангелина әтисенең иңенә башын салып, сабыйларча үксеп елый. “Мин әтиемне яратам, бу –  минем әти...” – ди ул сабый баладай башын янында утырган әтисенең күкрәгенә яшереп. Гөлфинә исә әнисенең кулларына чытырдап ябышкан да: “Әни, бу дөрес түгел, мин – синеке...” – дип пышылдый. 

      Барысы да Гөлфинәнең апасы Фәниянең шикләнүләреннән башлана. “Безгә охшамаган. Чәче дә кара, кыяфәте, холкы да икенче” . Ә бервакыт Гөлфинә канын тапшыра. 1 нче группа икәнлеге ачыклангач (әнисе Наиләнең 3 нче группа) кына Фәниянең әнисенә баланы алыштырып бирүләренә шиге калмый. 

    “Гөлфинә – минем кызым. Мин аны үстердем. Ангелинаны да чит итмәм. Аралашасы килсә, килеп йөрсен”, – ди Наилә Гатина. 

      Бәлкем, аралашырлар, ә бәлкем, юк. Ике кыз да әйбәт, уңышлы гаиләдә, яратылып, сөелеп үскән. Шуңадырмы, бу яңалык аларны тетрәндерде, мин аларның йөзендә хәсрәттән, ачынудан башканы күрмәдем. Кайчак белмәвең яхшы бит ул. Кемгә кирәк инде күз яшьләре китерә торган моның ише дөреслек? Тиешле органнарны судка биреп, югалту ачысын акчалата кайтарсаң гына инде... 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 23 февраль 2020 - 08:42
    Без имени
    Дореслек кирэк хэрвакыт. Нинди ачы булса да
Хәзер укыйлар
Соңгы комментарийлар
  • 30 июнь 2020 - 09:20
    Без имени
    Минем белэн булган хэлгэ охшаш. 90 еллар да хезмэт хакын бирми азапладылар бит, коннэрдэн берконне берничэ айлык премия акчасын бирделэр, алтын эшлэнмэлэр сатучы ханым да килеп керде. Каенанамнын Туган коне житэ бит дип, алсу кашлы алкаларны бик ошатып сатып алдым. Булэк итеп биргэч "Акча урлап жыйган иденмени?" Диде, бер тапкыр да кимэде, рэхмэт тэ эйтмэде Алкалар шкафнын Бер булемендэ яттылар, яттылар да юкка чыктылар.
    Кадерсез алкалар
  • 29 июнь 2020 - 17:22
    Без имени
    Жиренэ житкереп,мэгънэле итеп язылган. Зур рэхмэт сезгэ.!!!
    «Әни җырлап китте...»
  • 30 июнь 2020 - 07:13
    Без имени
    Ихластан бирелмэгэн булэк икэнлеге автор сузлэрендэ кычкырып тора. Кайнэгэ бит... Эни кунеле сизгер ул. Ябай яулыкка да риза, эгэр чын кунелдэн булса. Яратып йэшэрлек ир итеп ул устергэн эни кешегэ рэхмэт очен бирелгэн яуап булэк кенэ бит ул. Кире алган да да сорап, барыбер такмыйсын бит эни, эллэ кызыма бирэсенме дип сорап алырга кирэк. Ирне яраткач шулай итсен ул.
    Кадерсез алкалар
  • 29 июнь 2020 - 09:56
    Без имени
    Эйтергэ кирэкми,элек-электэн шундый эйтем йори безнен, халыкта,Ирен,э ышанма-иделгэ таянма! Минем БИК якын туган тиешле хатыннын, да алдылар аналыгын,алар да яштэн яратышып ойлэнешкэн иделэр. Ул да тормыш иптэше-яраткан иренэ барысын да доресен сойлэшкэн. Аерылуын аерылмадылар,Бер тубэ астында яшилэр,иренен, сояркэсе бар,тузгэн кешегэ туземлек бирсен.
    Аналыгыңны алганнарын иреңә әйтергәме, юкмы?
  • 29 июнь 2020 - 12:09
    Без имени
    Элбиттэ, эйтергэ кирэкми, шул аркада аерылган гаилэне белэм. Ир Хэзер икенче хатын белэн Тора, э танышым - Бер узе!
    Аналыгыңны алганнарын иреңә әйтергәме, юкмы?
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...