Ничек итеп рыцарь үстерергә?

Улыгызга чын ир-егет булырга булышучы 5 сыйфат

 

Матур гадәт

Чын ир-егет «мужик»тан үз-үзен тота белүе белән аерылып тора. Улыгызның кешеләр алдында абруе булсын, күркәм гадәтләре белән аерылып торсын дисәгез, аны кечкенәдән «рәхмәт», «зинһар өчен», рәхим итегез» дигән сүзләргә һәм хатын-кызга булышырга, транспортта урын бирергә, ишекне ачып торырга, транспорттан чыкканда кул бирергә һәм башкаларга өйрәтегез. Русларда: «привычка – вторая натура» дигән әйтем бар. Әмма һәр нәрсәне үз үрнәгеңдә генә өйрәтеп булганын да онытырга ярамый.

 

Эзләнүчәнлек

3-4 яшьләрендә баладан көненә мең сорау ява башлый. Балагызның «ә бу нәрсә?» «ә бу кем?»нәренең берсен дә җавапсыз калдырмаска тырышыгыз. Бераз үсә төшкәч, аны үз сорауларына җавапны үзенә табарга өйрәтегез. Мәсәлән, энциклопедиядән, интернеттан, китаплардан... Укырга теләк уятырга омтылыгыз. Укыган китабы турында фикер алышуны, сораулар бирүне гадәткә кертегез. Монысы баланы мөстәкыйль уйларга өйрәтү өчен кирәк.

 

Тәртип ярату

Чын ир-егет үз-үзен карый белергә һәм башкаларны кайгырта белергә тиеш. Бүгенге кечкенә генә малай киләчәктә ир һәм әти булачак. Балага кечкенәдән үк вазыйфалар бүлеп бирә торган булыгыз. Мәсәлән, үзенең уенчыкларын тәртипләп тезү һәм идәнне суырту өчен ул җавап бирсен. Нәрсәнедер үзе эшләргә теләсә, идеясен күтәреп алыгыз, мактагыз.Бу җаваплылык тәрбияли.

 

Спортка тартылу

Түземлелек, җиңүгә омтылыш, максатчанлык, ихтыяр көче – боларның барысы да спорт белән тәрбияләнә. Аздан башлагыз – иртәнге гимнастика, йөгерү, ишегалдында шөгыльләнү. Алты-җиде яшьтән балагызны берәр төрле спорт секциясенә бирә аласыз. Даими күнегүләр мускулларны гына ныгытып калмый, характерны да чыныктыра, максатлар куярга өйрәтә. Ир-егет өчен иң кирәкле сыйфатлар бу!

 

Хисләрне белдерергә оялмау

Имеш, ир-егетләр хисләрен күрсәтергә тиеш түгел, дигән ялгыш фикер яши. Әмма шул ук вакытта хатын-кыз үз янында сизгер, нәзакәтле принц булуын тели. Улыгыз үзегезнең дә, башкаларның да хисләренә сизгер булсын дисәгез, аның эмоциональ интеллектын үстерегез. Моның өчен аңа үз хисләрегезне, борчуларыгызны белдерегез.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 30 март 2020 - 18:53
    Без имени
    Икенче сыйфат малайларга да, кызларга да кагыла.Э мына бишенче сыйфат татар ирлэрендэ юк, телгэ "коры"алар, рэхмэт, тэмле булды диеп ашаганнан сон эйтуче бик эз.Бу ирлэр 50 яшь тирэсе.Э яшь ирлэр, усеп килгэн малайлар молодцы рэхмэтне эйтэ белэлэр....
Хәзер укыйлар
Соңгы комментарийлар
  • 6 июль 2020 - 12:00
    Без имени
    Дорес хэлме икэн бу?
    Хыянәтнең исе нинди?
  • 6 июль 2020 - 11:14
    Без имени
    "Ак чэчэклэр" романынын яна варианты!!! Бик зур рэхмэт!
    Гомер – озын ул...(2)
  • 7 июль 2020 - 09:12
    Без имени
    Безнен Зифа Гаязовна турында язуыгыз өчен зур рәхмәт. Аны без яраттык һәм хөрмәт иттек, урыны оҗмазта булсын. Үзенә үзе кебек алмаш та калдырды
    Гомер – озын ул...(2)
  • 8 июль 2020 - 00:08
    Без имени
    Шәәәәәәп!
    Онлайн-Сабантуйдан соң онлайн-уйлану
  • 8 июль 2020 - 06:22
    Без имени
    Бик өстән- өстән язылган, эчтәлек сөйләүгә корылган. Әсәр дип зурлап әйтмәс идем. Сызды- бозды. Тыныш билгеләре дөрес куелмаган, хаталы. Ник, "Сөембикә"нең дәрәҗәсен төшереп, монда куясыз, гаҗәп?
    Кыланчык - 5
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...