Могҗиза була икән

Әлеге могҗиза быел Яңа ел бәйрәмнәрендә Алтай өлкәсендә була. 13 яшьлек малай бер төн эчендә миллионерга әверелә. Камень-на-Оби шәһәрендәге җәмәгать транспортына балалы ханым керә. Баласын урнаштырып, утыртканчы, кондуктор килеп җитеп, акча түләүне сорый башлый. Билгеле инде, ханым ризасызлык белдерә. Кондуктор автобусның икенче башыннан әйләнеп килгәнче, акчаны әзерләсә дә, тегесе алмый, сезнең өчен түләделәр инде, дип белдерә. Баксаң, 13 яшьлек яшүсмер түләгән икән. Ханым – ә ул Санкт-Петербургтан әниләре янына кунакка кайткан танылган блогер Наталья Мишина булып чыга, әлеге егетнең Ваня исемле булуын, 3 нче мәктәптә укуын, әнисе белән генә яшәвен белеп калырга өлгерә. «Ник минем өчен түләдең?» – дигән сорауга Ваня,  ир-ат хатын-кызны кайгыртырга тиеш, дип җавап бирә. Бер көннән Наталья Ваняның Сидоров фамилияле булуын, кайда яшәвен белеп, күчтәнәчләр алып өйләренә бара. Ваня әнисе Татьяна Сергеевна белән икәү генә яшиләр икән. Гаиләнең матди хәле дә мактанырлык булмый, өйләрендә ремонт бара, акчалары исә җитәрлек түгел. Ваня үзе 7 нче класста укый, бик тә рәсем ясарга ярата, ләкин әнисенең аны сәнгать мәктәбенә йөртерлек акчасы юк. Натальяның башына шунда ук бер фикер килә: ул интернетта әлеге гаиләгә ярдәм итүне сорап пост урнаштыра, карта номерын күрсәтә. Бер тәүлек эчендә миллион ярым акча җыела.

Ваняның әнисе бу акчага улына фатир сатып алырга ниятли. «Кем белә, бәлки, күп еллардан соң Ваня шушы фатирда үзенең балаларына Яңа елда могҗизаларның булуын сөйләр», – дип яза Наталья Мишина. «Мин аның чын ир-егет булып түгел, ә ЧЫН КЕШЕ булып үсүен телим», – ди ул. 

 

Реклама

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 15 февраль 2020 - 21:17
    Без имени
    Мин дэ 17ел торганнан сон качып киттем,иртэрэк качасы калган,гомеремне эрэм иттем...
    Бәхет шәүләсе
  • 15 февраль 2020 - 22:27
    Без имени
    Кат кат укып сыктым дауамы матур ботар тип омотта калам. Рахмат.
    Ай сылуы-4
  • 15 февраль 2020 - 22:28
    Без имени
    Бигерэклэрдэ. Кызганыч хикэя бик рэхмэт язуыгыз эчен
    Ай сылуы-4
  • 16 февраль 2020 - 05:04
    Без имени
    Сэерерэк конечно но шулай кирэктер
    ​Көндәшләр
  • 16 февраль 2020 - 07:50
    Без имени
    Бигерәкләрдә яхшы итеп язылган хикәя рәхмәт сиңа Мөнирә!
    Ай сылуы-4
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...