Мәхәббәт бәясе 

 

Барысы да Наилнең кияүгә чыкмаган кыз белән очрашуыннан башлана. Венера (кызның исеме шулай булсын) аның өйләнгән икәнен дә, ике кечкенә баласы барлыгын да белә югыйсә. Күрәсең, мәхәббәте шулкадәр көчле булгандыр инде, бу гына аның өчен киртә була алмый. Бәлки, Наил хатыныннан аерылыр, үзенә өйләнер дип тә өметләнгәндер. 

Наил исә хатыныннан аерылырга җыенмый да. Өйләнгән ирләрнең күбесе шулай бит аларның: читтә сөяркәсе бар дип, тизрәк гаиләсен ташларга ашыкмый. Сөяркә ул болай, күңел ачу өчен генә диикме соң? Әмма Венера барыбер дә Наилнең үзенә өйләнүенә өметләнә әле. Саклык чараларын күрәм, авырга узмас өчен таблеткалар эчәм дисә дә, аларга орынмый да. Һәм тиздән авырга да узып куя. 

Белмим, бу вакытта аның әти-әнисе кая карады икән? Япь-яшь кызларының ике балалы, өйләнгән ир белән чуалуына ничек күз йома алган алар? 

Авырын төшертергә Венера аяк терәп каршы тора. Ул башка юлны сайлый: барып, барысын да Наилнең хатынына сөйләп бирергә җыена. Иренең читтә себерелеп йөрүенә түзмәс, куып чыгарыр да, Наил үземнеке булыр дип уйлый. Планының беренче өлеше чынга аша. Әйе, хатыны чынлап та куып чыгара Наилне. Әмма ул Венера янына барасы урынга әти-әнисе йортына кайтып урнаша. 

Вакыт яраларны дәвалый, диләр. Бераздан Наилнең дә хатыны суына. Ирен яратуын, аны гафу итәргә әзер икәнен аңлый. Җитмәсә, Наиле дә бертуктаусыз шалтыратып, гафу үтенә, бергә булыйк, дип ялына. Һәм алар, балаларын әби-бабайга калдырып, икесе генә ял итәргә чит илгә китеп бара. Кабаттан ширбәт ае кичерә ир белән хатын. 

Ә Венера? Ул Наилне югалтуы белән килеште дип уйласагыз, ялгышасыз. Көне-төне Наилнең хатынына шалтыратып төрлечә хурлау, мыскыллы сүзләр яудыру дисеңме, Наилнең эшенә барып, янаулармы, аны хурлаулармы – берсе дә калмый. Аптырагач, Наилнең хатыны, кайда яшәүләрен ачыклап, аның әти-әнисе янына барырга мәҗбүр була. Алар нинди сүзләр тапкандыр, кызлары беразга бу гаиләне тынычлыкта калдыра. Ләкин күпкә түгел, бала туганчыга кадәр генә. Аннары телефоннан шалтыратулар, янаулар, хурлаулар кабаттан башлана. Наил үзе дә яңа туган баласы янына барырга атлыгып тормый. Чөнки бу мөмкин дә булмый. 

Психологлар мондый вакытта бала һәм аның әнисе белән мөнәсәбәтләрне ничегрәк корырга икәнлеген өйрәтә, төрлечә киңәшләр бирә. Әмма тормышта аларны куллану кайчак бик катлаулы, хәтта мөмкин дә түгел. Хәер, әгәр дә хатын-кызга бу ирдән акча һәм баланы ара-тирә килеп күрүе генә кирәк булса, бәлки, ярдәм дә итәдер ул киңәшләр. Әмма Венерага Наил үзе кирәк була шул һәм аз да түгел, күп тә түгел, ә законлы ире буларак кына күрә ул аны. 

Наил бала янына барып карамый түгел. Әмма Венера аны бусагадан ук анадан тума килеш каршылап, муенына чытырдап ябыша да, үбәргә, капшарга тотына. Наилгә чыгып та китәргә ирек бирми. Акыра, елый, истерикалар оештыра. Шуннан соң бала янына ничек барасың инде? Бәлки, әти-әнисе белән алдан сөйләшеп кенә барсаң. Тик Венера алар белән түгел, аерым яши. Шуңа күрә бу вариантны да кулланып булмый. 

Тора-тора Наил Венераны күрәлмас хәлгә җитә. «Шуның белән танышкан көнне җир йөзеннән сөртеп атар идем», – ди ул. 

Хәзер Венераның баласын дүрт тулып килә. Ул әле дә кияүдә түгел, беркем белән очрашмый да. Югыйсә әти-әнисе аңа бик булыша, үз тормышымны көйлим дисә, бөтен мөмкинлеге дә бар. 

Ә Наилнең хатыны мәчеткә йөри. Венераның тормышында яңа мәхәббәте барлыкка килсен, ирен тынычлыкта калдырсын иде, дип догалар кыла. 

Реклама

Иң мөһим һәм кызыклы язмаларны Татмедиа Telegram-каналында укыгыз


Ошый
Поделиться:
Комментарийлар (3)
Cимвол калды:
  • 9 февраль 2020 - 11:40
    Без имени
    Ике хатында кызганыч.Наиль эзрэк кунел ачып алам да ,туктыйм дигэндер.Алтыдагы алтмышка дилэр.Башка Венераларны таба эле ул....
  • 1 февраль 2020 - 03:31
    Без имени
    Кеше бэхетенэ урелергэ ярамаганны ...нигэ оныталар икэн?
  • 31 гыйнвар 2020 - 22:30
    Без имени
    Күтенә күрә таман Наильнең! Хатыны кызганыч...
Хәзер укыйлар
Соңгы комментарийлар
  • 18 февраль 2020 - 16:43
    Без имени
    Ландышнын яткан урыннары жэннэттэ булсын,калганнарга сабырлык бирсен аллахым. Тынычкына укый алмадым .бик авыр,;
    Бу дөньяның бар чәчкәсе – сиңа
  • 18 февраль 2020 - 16:02
    Без имени
    Люция ханым , балачакка кайтып килгэндэй булдым Чынлап та , ян,а тупнын, исе сихерли иде шул Рэхмэт , бик матур хикэя . Хэм инде шуный эйтэсем килэ Сез бик яхшы язучы !!! Ун,ышлар телим Сезгэ !!!
    “Ыштан” кыйссасы
  • 18 февраль 2020 - 12:38
    Без имени
    Мен рэхмэт! Эбэдкэ кайткан арада, Сезнен язманы укып балачакка да кайтып килдек. Бер беребезне яклап, ачу сакламый, учлэшми устек. Рэхэт чаклар..
    “Ыштан” кыйссасы
  • 18 февраль 2020 - 13:07
    Без имени
    Эльмира, бу язманы укыган коннэн алып, Ландыш йорэк турендэ. Илхам, Искэндэр, Ислам язмышларын белэсе килэ. Бу язма чыккан журналны еш кулыма алам...
    Бу дөньяның бар чәчкәсе – сиңа
  • 17 февраль 2020 - 09:14
    Без имени
    Кайнана бик акыллы булган монда. Эгэр ул ук кебек кадалып торса киленгэ бик авырга туры килер иде. Бэлки иялэшэ дэ алмас иде. Эзмени андыйлар?
    Авыл килене
Реклама
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...