Ирен көнләп, баласын үтергән

Чаллыда ирен көнләп тавыш чыгарганнан соң, хатын үч итеп ике яше дә тулмган баласына берничә тапкыр пычак белән кадый.

 

Бүген төнлә Чаллыда 59 комплекстагы йортларның берсендә яшәгән ир белән хатын арасында тавыш чыга. Хатыны, чираттагы тапкыр көнләшеп, гауга күтәрә. Ире әйберләрен җыя да әнисенә кунарга чыгып китә. Ачуы кайнаган хатын пычак алып, ике яшьлек улының күкрәгенә берничә тапкыр кадый. Интернет басмалары язуынча, канга баткан баласын фотога төшереп, иренә җибәрә. Кайтмаса, икенче улын да шул язмышка дучар итү белән яный. Янап кына калмый, олысына да ташлана. Соңыннан нишләгәнен аңлап алып, пычак белән үзен кисә башлый.

Куркыныч фотоларны алган ата, тиз арада ашыгыч ярдәм машинасы чакырып, өенә юл тота. Алар фатир ишеген бер үк вакытта ачып керә. Кечкенә малай алган җәрәхәтләрдән үлгән була инде. Олысын һәм хатынны сырхауханәгә алып китәләр. Алты яшьлек малайның әлегә хәле авыр. Бу факт буенча җинаять эше ачылган. Хатынның гаебе расланган очракта, аны 12 елга ирегеннән мәхрүм итү яный.

Нишлибез без, хатын-кызлар? Иргә үч итеп, баласын үтергән хатынны акыллы дип булмый инде. Без ерткыч җанварлардан да куркынычракка әйләнеп барабыз түгелме? Бер хайван да, хәтта «аңгыра» кләймәсе сугылган тавык та чебиен кыерсытырга ирек бирми. Якын барып кара син, хәзер очып кунып күзеңне чукый! Югыйсә әтәч бөтен ишегалдындагы тавык хуҗасы булып тора.

Реклама

Шушы көннәрдә ике яшь тулачак сабыена пычак белән кизәнгән вакытта ул хатын ни турында уйлады икән? Баласының тууы, йөреп китүе, чырык-чырык көлүе күз алдына килмәде микәнни соң? Акылыңа килеп, яраланган балаңа ярдәм итәсе урынга телефоннан аны фотога төшереп, әтисенә җибәргән вакытта да намусы уянмады микән бу хатынның.

Без, хатын-кызлар, бик көчле дип саныйбыз үзебезне. «Мин үзем булдырам» дигән феминистик уйлар да юк түгел бездә. Әйе, «ир бирмәк, җан бирмәк» дип әйтәләр борынгылар. Ләкин балаңның җаны бәрабәренә түгел бит! Яраткандыр диярсез. Бу инде ярату түгел! Бу – чир! Яраткан кешенең күңеле изгелек белән тулы аның. Анда явызлыкка урын булмый! Бу – үз мәнфәгатьләрен генә кайгыртучы эгоистлык билгесе! Һәм тормыш авырлыклары белән очрашкан вакытта, хәтта кәеф булмаса да, иң элек балалаларга күсәкнең юан башы төшә. Чөнки алар үзләрен яклый белми.

Әлеге 32 яшьлек хатын социаль челтәрләрдәге аккаунтында төнге берләр тирәсендә «Гаиләмне ярата идем» дип язып куйган. Ә яратканнар пычакка үреләме соң, дигән сорау бирәсе килә.

Фото: www.pixabay.com

 

Ошый
Поделиться:
Комментарийлар (2)
Cимвол калды:
  • 8 октябрь 2019 - 18:46
    Без имени
    Авыру хатын булганчы билгеле бит инде, Ире аны калдырып чыгып китэргэ тиеш тугел иде.
  • 7 октябрь 2019 - 17:42
    Без имени
    Неадекват инде бу! Ирне конлэп бала утерэлэр димени!?
Хәзер укыйлар
Соңгы комментарийлар
Реклама
Кешелек хакында фәлсәфи уйланулар, робот София һәм ипи
Балачак – уйнар чак...