Фотолар дәвалый? 

Халисә Ширмән

Сезнең дә кайчакта өзелеп-өзелеп иске фотоларны карыйсы килгән минутлар буламы ул? 

 

Гадәттә кичләрен, көндезге ыгы-зыгы бераз кимегәч, әллә нинди бер моң агыла башлый. Елап туйган бала кебек, күңел сулкылдап куя. Әллә ничек кенә тартылып, күкрәктә, йөрәк читендә бер дулкын күтәрелә... Каядыр барасы, кемнедер күрәсе, сөйләшәсе килә... «Бар, урамда йөреп кер», – дип дәшә акыл. Язмы, көзме, кышмы – анысы мөһим түгел. Юк, урамга чыкмыйм. 

Тотам да иске альбомымны тартып чыгарам. Йә компьютерның зур хәрефләр белән «PHOTOS» дип язылган бүлмәсен ачам. 

Һәм чумам.  

Менә бит ул – минем тарих! Ялгышу-абынуларым, шатлыклы мизгелләрем, кайгы-куанычларым – барысы да ярылып ята!  

Минем тормыш китабым.  

Һәрбер сәхифәсе – дәрес, һәр сурәте – сабак.  

Кемгә ничектер, әмма минем шушы иске фотолар дөньясында үткәргән вакытым таблетка йотуга тиң. Ачы хатирәләре белән савыктыра, җан яраларымны дәвалый торган, күңелле мизгелләре белән киләчәккә ышанычымны кайтара торган кыйммәтле дару ул сурәтләр. 

Яшьлектә ертып ташланган фотоларны сагынам. Бигрәк дуамал булганмын инде! «Үтәр-бетәр, онытылыр» дип уйланылмаган, ачы истәлекне фото ерткан кебек, җиңел генә күңелдән чыгарып атармын дип өметләнгәнмен... Иии, җүләр чак!.. Ирен читләренә сагышлы елмаю куна, күңелдән көй агыла башлый:  

Хәтердә ул тыныч айлы кичләр, 

Хәтердә бормалы су юлы. 

Онытылмый беренче саф мәхәббәт, 

Онытылмый Агыйдел сылуы... 

____ 

...Җаныгызны кая куярга белмичә бәргәләнгән вакытыгызмы?!.  

...Шкафның иң караңгы бер почмагыннан иске альбомны тартып чыгарыгыз. Ул – сезнең шатлык-кайгыларны, сөю-сагышларны, дәрт-моңнарны туплаган серле сандык. Әкрен генә шуның сәхифәләрен актарганда, кайгы-борчуларның үтә икәнлеген, шатлык-куанычларның яшәргә көч бирә торган тылсым икәнлеген аңларсыз. 

Һәм тормыш дәвам итәр. 

Поделиться:
Комментарийлар (3)
Cимвол калды:
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
  • 18 ноябрь 2019 - 09:43
    Ilnaz Fazlutdinov
    Шушы хисләрне яңадан кичерергә курыкканга, ялгышлыкларны искә төшермәс өчен фотоларны карарга бик ашыкмыйм да, гәрчә көлдерә торганнары, күңелне күтәрә торганнары да шактый. Бүген, социаль челтәрләр килеп керүе, барлык кесә телефоннары фотовидеокамералы булуына бәйле, фотокарточкаларның кыйммәте дә, кызганычка каршы, кимеп бара шул...
  • 20 октябрь 2019 - 13:12
    Диана070
    эйе, сүзләрегез белән килешәм. Минем дә шундый вакытлар булгалый..фотоальбомны ачып җибәрәм дә,балачагыма чумам..кайтарасы килә шул вакытларны.
Хәзер укыйлар
Реклама
Соңгы комментарийлар
  • 28 октябрь 2020 - 13:52
    Без имени
    Астагы комментария дэ язганнар сэер диеп, мина да шулай кебек тоелды. Ниндидер укенугэ охшаган. Бер темага гына кагылам.Ирлэр берузе яши алмый дигэнгэ.Ничегрэк яшилэр, ашаргасын да пешерэ(бик оста), керен дэ юа(стир машина), йортында чиста тота.Гэрип куллы тугеллэр бит. Эгэр кемдэ булса бу ир кеше язган дисэ, ялгышу, хатын кешемен, 40 елга якын кияудэмен.....
    Бәясен белгән хатын-кыз көчле ул...
  • 28 октябрь 2020 - 12:28
    Без имени
    Аллах тэгалэдэн узып булмый,хэзер проыессорларнын эйткэне кубесе туры килми
    Кыш нинди булыр?
  • 28 октябрь 2020 - 21:29
    Без имени
    Донья куласа,айландырып китереп бер баса...
    Киленем “Чыгып кит!” — дип кычкырды
  • 28 октябрь 2020 - 19:42
    Без имени
    Бик ошады
    Сине өйдә көтәләр
  • 27 октябрь 2020 - 20:08
    Без имени
    Иии кадерле эбилэр!Юри генэ зарланасыздыр!Балаларыңа кирэк булу,оныкларыңны сөеп яшэү иң зур бэхет бит инде ул!
    Оныклар карап кына ятасым килми: үзем өчен кайчан яшәрмен соң?