Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

Җиләкле алан

19 июля 2017
449 карау
Халык календаре сынамышларыннан чыгып караганда, июль ае сезнең өчен күңелле сөенечләр, көтелмәгән ачышлар ае булачак. Мәгълүм ки, халыкта 7-12 июльне “җиләкле” чор дип йөртәләр. Барлык сынамышлар буенча да нәкъ менә шушы көннәрдә иң беренче җиләк өлгерә. Һәр көн иртә-кич, бакчага чыгып, яшел яфракларны аралый-аралый, тәүге җиләк эзлибез. Һәм, ниһаять, беренче кып-кызыл җиләк күзгә ташлана. Иң тәмлесе, иң хуш ислесе! Дөрес, җиләкләр пешәчәк тә пешәчәк әле. Әмма иң беренчесенә җитми инде. 

Тәмле вә татлы булу өстенә җир җиләге дә, бакча җиләге дә кеше өчен искиткеч файдалы, чөнки алар В, Р, РР төркеме витаминнарына, җиңел үзләштерелүче углеводларга, шулай ук Менделеев таблицасының яртысын диярлек тәшкил итүче минераль матдәләргә бай санала. Шуңа күрә җиләкнең шул шифалы матдәләре күп кенә сырхаулардан нәтиҗәле дару булып тора. Мәсәлән, бавыр, ашказаны, эчәкләр эшчәнлеген нормальләштерә, балаларда һәм аеруча йөкле хатыннарда азканлылык булганда кан составын яхшырта, бәвел кудыртуга уңай йогынты ясый, кайбер йөрәк-кан тамырлары авыруларын да дәвалый.

Шулай ук глюкоза белән фруктозага, лимонлы һәм алмалы органик кислоталарга, С витаминына (25%), В төркеме витаминнарына, А провитаминына бай булган кура җиләге дә күп авыруларны дәваларга булыша. Мисал өчен, салкын тигәндә кура җиләге вареньесы белән чәй эчүдән дә үтемлерәк чара юк. Авыру сизелүгә үк көнгә өч-дүрт тапкыр кура җиләкле кайнар чәй эчсәгез, даруларның кирәге дә булмас.

Тамак ялкынсынганда 2 аш кашыгы вакланган кура яфрагын 2 стакан суда пешереп, шул төнәтмә белән һәр 2 сәгать саен тамагыгызны чайкагыз. Файдасын бик тиз тоярсыз.

Ашказаны авыртканда, эчәк эшчәнлегендә кыенлык булса, 2 чәй кашыгы кура җиләген 2 стакан кайнар суга салып болгатыгыз да, шуны яртышар стаканлап, көнгә 4 тапкыр эчегез. Нәтиҗәсе берничә сәгатьтән соң ук сизеләчәк.

Кыскасы, июль аенда организмны рәхәтләнеп витаминлы җиләкләр белән туендырыгыз. Ашагыз, дәваланыгыз, шифасын табыгыз!

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com