Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеСәламәтлек → Каксартроз авыруы нидән барлыкка килә?

Каксартроз авыруы нидән барлыкка килә?

В. С. МУРУГОВ, Казан травматология һәм ортопедия фәнни-тикшеренү институты доценты.
В. С. МУРУГОВ, Казан травматология һәм ортопедия фәнни-тикшеренү институты доценты.
02 июня 2017
556 карау
«Каксартроз авыруы нидән барлыкка килә? Аны дәвалап буламы?», дип сорап язучылар игътибарына түбәндәге язманы урнаштырабыз.

Каксартроз — оча, бот буынының көчле зарарлануы ул. Авыру азып китсә, кешенең инвалид булып калуы да мөмкин.

Бу авыруның сәбәпләре күп төрле. Аңа җитлекмәгәнлек нәтиҗәләре, бот башларының некротик авырулары, травмалар, төрле ялкынсынулар керә. Ләкин кайбер очракларда авыруның сәбәпләрен төгәл генә әйтеп тә булмый. Боларын медицинада иднопатик формалар, дип йөртәләр. Кайбер белгечләр авыруның әлеге төрен организмның талчыгуы яисә кирәгеннән тыш аруы белән дә аңлаталар.

Гадәттәгечә, авыру башта җиңелчәрәк формада уза. Әйтик, иртәнге якта ул кешене артык борчымый. Ә менә көн азагында авыру аксый ук башлый. Рентген сурәте, кагыйдә буларак, буын араларының тараюын, сөяк тукымасының үзгәрүен, сөяк кырыйларының зураюын күрсәтә.

Азган каксартрозны дәвалау бик читен. Шуңа күрә врачка вакытында мөрәҗәгать итү бик мөһим. Аны дәвалау өчен нигездә кимерчәк тукыманы барлыкка китерүче стимуляторлар кулланыла. Кайбер очракларда врачлар мидо-калм, седуксен, скутамил дигән дарулар тәкъдим итәләр. Алар ныгыган мускулларны арындырырга ярдәм итә. Ә кан тамырларын киңәйт^, кимерчәкнең туклануын яхшырту өчен никотин кислотасы, җылылык процедуралары, массаж кулланыла.

Бутадион, реопирин, анальгин дарулары, метиндол (индометацин, индоцид) кебек дарулар авыртуны (дәвалау түгел) басу максатында бирелә. Иң мөһиме, көнгә берничә тапкыр зарарланган буынга ял бирергә кирәк. Моның өчен авыру буынга җылы кую яхшы. Мәсәлән, парафин, диатермия (ут белән дәвалану), кайнар ванналар. Ләм белән дәвалану да әйбәт нәтиҗә бирә.

Шуны исегездә тотыгыз: консерватив дәвалау авыруның бары тик башлангыч чорында гына файдалы. Хәлнең вакытлыча җиңеләюе һич тә тынычланырга нигез бирми. Шуңа күрә даими рәвештә врач күзәтүе астында булырга кирәк. Чөнки авыру азып китсә, операция дә көткән нәтиҗәне бирмәскә мөмкин.

Кызганычка каршы, каксартрозны дәвалауның ышанычлы алымнары табылганы юк әле. Әмма эзләнү бара. Мәсәлән, Казанда зарарланган урынны кан белән тәэмин итүне яхшырту, оча, бот буыннарын тынычлык хәленә кайтару өчен күп төрле чаралар кулланыла. Аларның да файдасы тимәсә, операция ясау гына кала.

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com