Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»


Пончо җылытыр!

07 сентября 2016
1856 карау
Пончо модадан чыкмый. Ул җиңел һәм чагыштырмача тиз бәйләнә. Аны гади итеп тә, төрле бизәкләр белән дә бәйләргә була. Ыргак белән бәйләсәгез, тишекле пончоны чуклар да бизәр. 

Беренче пончолар испан хакимлегенә кадәр, Чилидагы мапуче кабиләсендә барлыкка килгән дип санала. Башка фикерләргә караганда, пончо Тауантинсуйу инк империясендә үк кулланылган. Анд халкының бу гадәти киеме, яшәү урынына карап, төс һәм бизәлеше белән аерылып торган. Модельерлар исә Көньяк Американың әлеге традицион киемен ХХ гасырның 60 нчы елларында файдалана башлаган. 

Бүгенге көндә пончоның нинди генә төрләре юк! Ыргак белән бәйләнгән нәфис җәйге пончо, кыска модельләр, озыннары исә шәл яки хәтта пәлтәне дә алмаштырырлык җылы! Гәүдәгез түгәрәкләнеп китсә, пончо – бу кимчелекне яшерер. Шундый модельләре дә була – сабыегыз белән бергә каплана аласыз! Әлеге кием теләсә нинди озынлыктагы һәм тегелештәге чалбар, итәкләр белән матур күренә. Искиткеч образ туа! Озын перчаткалар да киеп җибәрсә-гез – сез моданың иң югары баскычында булырсыз!

 

Кирәк:

(46-50 үлчәмнәр)

* 500 г меланж җеп (яки 5 төрле төстәге җепләр);
* бәйләү энәләре № 4,5;
* ыргак № 4,5;
* тегү энәсе;
* линейка.


Бизәк:

Уң як: 1 кырый күз, 2 уң күзне бергә, 5 уң күз, 1 буш күз, 1 уң күз, 1 буш күз, 5 уң күз, 2 уң күзне сулга авыштырып бергә, 1 кырый күз.
Сул як: сул күзләр.
 

Эш барышы:

Күзләр саны 15 кә калдыксыз бүленергә тиеш + 2 кырый күз.
92 күз җыябыз.

1 нче рәт: сул күзләр.

2 нче рәт: төп бизәк.

Калган рәтләр 1-2 нче рәтләрне кабатлый.

100 см бәйләгәч, бәйләүне тәмамлыйбыз. Шул рәвешчә икенче турыпочмакны да бәйлибез. Һәр турыпочмак 60 см х1 00 см булды.


Хисап:

Үрнәк бәйлибез — бәйләү тыгызлыгы 10 см х 10 см = 14 рәт х 15 күз.

Турыпочмакларны схемага карап, тоташтырып тегәбез. Муен өлешен ыргак ярдәмендә буш күзсез баганалар белән бәйләп чыгабыз.

Үз үрнәгеңне җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com