Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»


​«Мөһерле» бизәк

Лилия Гәрәева
Лилия Гәрәева
01 февраля 2017
978 карау
Без бала чакта бозгычка бизәк ясап, шуның белән бөтен җиргә мөһер сугып йөри торган идек. Ә бит мондый мөһер белән тукымаларны да бизәп була. Аннары шул тукымадан өстәлгә эскәтер яки тәрәзәгә пәрдә тегәргә, шул рәвешле өй эченә күңелле үзгәреш кертергә мөмкин. Нинди тукымага нинди төс белән нинди бизәк төшерәсе фәкать үзегездән генә тора. Тәвәккәлләп, тотынып карагыз әле, гаять мавыктыргыч шөгыль бу.

Кирәк:

* киҗе-мамык тукыма;
* тукыма өчен яраклы акрил буяулар;
* һәр буяу өчен аерым пумала;
* мөһерләр;
* кирәкмәгән берәр такта.


Мөһерләрне кул астындагы нәрсәләрдән үзегез дә ясый аласыз. Моның өчен теләсә нинди материал бара: шешә төбеннән – кырлы түгәрәк; шырпы тартмасыннан – шакмак, бозгычлы карандаштан – борчак килеп чыга. Гофрланган катыргы кисәген төреп, түгәрәкләр, шакмаклар, өчпочмаклар ясарга була. Бизәк төшерү өчен чи бәрәңге дә бик уңай.



Интернеттан үзегезгә ошаган бизәкне ак кәгазьгә күчереп алып, мөһер ясаганда шуны өлге итеп кулланырга мөмкин. Монда инде кемнең фантазиясе нәрсәгә сәләтле...

Эш барышы:

Мөһер басарга керешкәнче тукыманы юып үтүклибез. Аннары мөһерне пумала белән үзебез теләгән төскә буяп, тукымага басабыз. 




Басу эшенә керешкәнче, мөһерне иң элек берәр кирәкмәгән тукыма кисәгендә сынап карарга кирәк.




Гадәттә һәр төс өчен аерым пумала, аерым мөһер кулланалар. Өстәлне пычратмас өчен, кирәкмәгән такта өстендә эшләгез.



Бизәп бетергәч, тукымадагы буяуның ныклап кипкәнен көтәбез. Моның өчен, гадәттә, бер көн чамасы вакыт үтә. Аннары тукыманы сул ягыннан үтүкләп, буяуны «ныгытабыз».
«Мөһерле» тукымаларны җылымса суда кул белән сак кына юалар. Каты итеп борып сыгарга ярамый.


Үз үрнәгеңне җибәр

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com