Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеКулларыңнан куан → ​«Игелекле» уенчыклар


​«Игелекле» уенчыклар

Юлия Маркова, Казандагы "Рональд Макдональд Йорты" директоры
Юлия Маркова, Казандагы "Рональд Макдональд Йорты" директоры
13 сентября 2016
1266 карау
Бүгенге мастер-классыбыз башкару өчен җиңел генә булса да,  максаты белән гадәти түгел. Казандагы «Рональд Макдональд Йорты» директоры Юлия Маркова үткәргән бу мастер-класс белән без сезне игелек акциясенә кушылырга өндибез. Сез ясап җибәргән уенчыкларны Яңа ел алды ярминкәсендә сатып, җыелган акчаларны шушы йортка тапшырыр идек. «Тамчыдан күл җыела», диләр бит: берәр генә уенчык ясап җибәрсәгез дә, каты авыру белән көрәшүче балаларга зур ярдәм булыр иде. 
 

Кирәк:


- киңлеге – 40, буе 30 см булган ачык төстәге флис тукыма;
- 10х15 см зурлыгындагы – ак, 4х4 см зурлыгындагы кызыл флис кисәге;
- көрән төстәге һәм тукыма төсендәге кәтүк җебе;
- синтепон.
 

Эш барышы:


- Рәсемдә бирелгән өлгене катырак кәгазьгә күчереп алыгыз. 




- Ачык төстәге флисны (алсу, кызгылт сары, ачык яшел, зәңгәрсу төсләр матур була) урталай бөкләп, өлгене тукымага төшерәбез. Тегәр өчен кырыйлардан 0,5 см калдырып, тукыманы кисәбез. 

- Күзләрне тегү өчен ак төстәге флистан ике овал кисәбез. Бу очракта тегү өлеше калдырылмый. Овалның буе – 4,5 см, иңе – 3,5 см. 

- Тегү энәсенә ак төстәге кәтүк җебе саплап, уенчыкның күзләрен алгы якка тегәбез. Пөхтә итеп тегәргә тырышыгыз: теккән җөегез күренергә тиеш түгел. Тегеп бетергәндә генә флис астына бер чеметем синтепон тыгып калдырабыз. Уенчыкның күзе кабарынкырак булса, матуррак.

- Күзләрне урынына тегеп куйгач, энәгә көрән төстәге җеп саплап, уенчыкның керфекләрен, күз карасын, мыекларын, борынын, авызын, кендеген чигәбез.
Керфекләр һәм мыеклар эре атлатып, бер атлам белән генә чигелә. Күз карасын һәм борын очын кыска атламнар белән, атламнарны бер-берсенә терәп чигәргә кирәк. 
Уенчыкның борыны шулай ук энәне вак-вак атлатып чигеп төшелә. Кендекне исә эре атлам белән әвернә сыман итеп (крестка-крест) чигеп куябыз.

- Кызыл флисны йөрәк рәвешендә кисеп, аны да кызыл җеп белән җөе күренмәслек итеп тегәбез. Йөрәк турына синтепон тыгып калдырырга кирәкми, яссы гына булып калсын. Шуның белән алгы як әзер.

- Тегү машинасына уечык төсенә туры килгән җеп саплап, алгы һәм арткы якны машина җөе белән тегеп тоташтырабыз. Аскы якта кыска гына бер араны текми калдырабыз. Шушы тегелми калган аралыктан уенчыкны уң ягына әйләндерәбез. Очлы булмаган таяк белән (суши таягы бик уңай) теккән җөйләрне эчке яктан сыпырып, тигезлибез. Уенчык эченә артык тыгыз да, бик үк йомшак та итми генә синтепон тутырабыз. 

- Тегү энәсенә флис төсендәге җеп саплап, ачык калган аралыкны белендерми генә тегеп куябыз. 

Шуның белән уенчыгыбыз әзер. Игелекле акциябезгә сезнең дә кушылуны көтеп калабыз. Уенчыкларны ноябрь ахырына кадәр тегеп, редакция адресына җибәрсәгез иде: 420066, Казан шәһәре, Декабристлар урамы, 2. «Сөембикә» журналы редакциясе.


 

Үз үрнәгеңне җибәр

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com