Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеКулларыңнан куан → СЛИНГ – замана бәбиләре өчен

СЛИНГ – замана бәбиләре өчен

17 марта 2016
1399 карау
 
Мастер-классны
Андрей Охотников
алып бара.

 

Кирәк:

* флис;

* синтепон;

* эчлек өчен тукыма (төсе белән флистан аерылырга тиеш);

* баулар өчен тукыма (флис һәм эчлек).



Эш барышы:



Флистан 37х47 см зурлыктагы ике турыпочмак – алтакта һәм арттакта кисәбез. Өске өлешендә баулар тегәр өчен почмакларны кисеп атабыз.


 

Бизәк

Эчлек тукымасын кисеп, алтакта астына урнаштырабыз һәм энәләр белән беркетәбез. Рәсем ясыйбыз. Тегү машинасында зигзаг белән атлатып чыгабыз. Үтүклибез. Рәсемнең флис өлешен кисеп чыгабыз – эчлек өлеше аппликация хасил итәчәк. Үтүклибез.

 

Җилкә баулары (ике деталь)

Флис һәм эчлек тукымасын, уң якларын бер-берсенә каратып, як-яктан тегеп чыгабыз һәм уң якка әйләндерәбез. Үтүклибез. Синтепоннан тасма кисеп, эченә кертәбез (җилкәләрне авырттырмасын өчен). Як-яктан җөй һәм буеннан-буена зигзаглар салабыз.
 

Җилкә бауларын озынайтабыз

Флистан тасма кисеп катлыйбыз һәм тегеп чыгабыз. Уң якка әйләндерәбез. Чит-читләрен тегеп чыгабыз. Үтүклибез. Әлеге тасма очын җилкә бавына кертеп, энә белән беркетәбез һәм тегү машинасында зигзаг җөй салабыз. Тырпаеп калган тукыманы кисеп алабыз. Очларны берничә кат бөгеп, тегеп эшкәртәбез.


 

 

 

Бил баулары (ике деталь)

Флис һәм эчлек тукымасын кисеп алабыз. Уң якларын бер-берсенә каратып, чит-читләрен тегеп чыгабыз һәм уң якка әйләндерәбез. Үтүклибез. Як-ягыннан җөй салабыз.



 

Тоташтыру

Алтакта белән арттакта өлешләрен уң яклары белән бер-берсенә каратып, кисеп алынган почмаклар урынына җилкә һәм аскы бил бауларын энә белән беркетәбез (баулар эчтә калырга тиеш). Баулар беркетелгән урыннарга берничә җөй салабыз. Бер ян кырыйны калдырып, алтакта белән арттактаны тоташтырып тегәбез. Уң якка әйләндереп үтүклибез. Тегелмичә калган өлешне эшкәртү җөе белән ябабыз.

Баулар тоташкан урыннарга тагын җөй салабыз.
 

 

Үз үрнәгеңне җибәр

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com