Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеКулларыңнан куан → ​Көзгем — өем бизәге


​Көзгем — өем бизәге

Алина Бассариева
Алина Бассариева
07 марта 2016
1898 карау
Алина — югары белемле инженер, ә менә рухы белән — рәссам.Бу сәләте аңа әтисеннән күчкән. Кибернетика-информатика факультетында укыганда ук интерьерлар бизәү белән дә мавыккан. Гап-гади савыт-сабаларга милли бизәкләр төшереп, карап туйгысыз сәнгать әсәре ясый белә ул. Аның берсеннән-берсе матур тәлинкәләре, чәйнекләре, көзгеләре шәһәребезне күрергә килгән туристларның бүлмә түрендә Казаныбыз ядкаре булып яши. 
 

Кирәк: 

* төрле төстәге акрил буяулар;
* пыяла өчен махсус контурлар (бронза, алтын һәм зәңгәрсу төсләр);
* нечкә пумала (№ 2);
* калын кысалы көзге;
* савыт белән су;
* тастымал.
 

Эш барышы:

Гади карандаш белән кысага бизәк төшерәбез. Рәсем ясарга осталыгыгыз булмаса, әзер трафарет белән дә төшерергә мөмкин. Мондый трафаретлар сәнгать салоннарында сатыла. Күңелегезгә ошаган бизәкне интернеттан да табарга мөмкин.

Пумаланы буяуга манып, рәсемне бер читеннән буйый башлыйбыз. Мәсәлән, без пумаланы зәңгәр төскә манып, бизәкнең зәңгәргә буяласы бар өлешләрен буядык. Аннан соң, пумаланы юып, башка төскә күчтек. Төсләрне үзегез теләгәнчә сайлагыз.

Кысадагы бизәкләрнең барысын да буяп бетергәч, 15-20 минут кипкәнен көтәбез. Буяулар кулга йокмый башлагач, алтын төстәге контур белән төртке артыннан төртке төртеп, һәр бизәкне читләп чыгабыз. Төрткеләрнең икенче рәтен бронза контур белән ясыйбыз.

Зәңгәр төстәге чәчәкләрнең уртасын зәңгәрсу контур белән бизибез. Кысаның буш калган урыннарына алтынсу контур белән төрле бөтеркәләр ясап чыгабыз.

Почмактагы лалә чәчәкләрен алтынсу боҗралар белән бизибез. 

Үз үрнәгеңне җибәр

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com