Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеМатур булыйк → Баллы депиляция

Баллы депиляция

Гөлнара Хәсәншина
Гөлнара Хәсәншина
02 июня 2015
2024 карау
Шикәр депиляциясе шәрык хатын-кызларына күптән таныш. Бүген бу ысул инде бөтен дөньяга таралган. Исеме исә – шугаринг (ингл. sugar). Әлеге процедураны өйдә үткәрү мөмкинлеге, арзанлыгы – шугарингның бәхәссез плюслары!


Кирәк:

* 1 кило шикәр комы;

* 8 аш кашыгы су;

* 7 аш кашыгы лимон суы.

 

Эш тәртибе:

Ингредиентларны кушып болгатабыз һәм 2-3 минутка көчле утка куябыз. Утны киметеп, капкач белән каплыйбыз. Онытмагыз: һәр 10 минут саен болгатып җибәрергә кирәк булачак! Башта шикәр эри башлый, аннары – сыеклана. Тагын 10 минут узуга эремә былт-былт итә башлый. Ахырдан – күбекләнә. (40 минут узып та китә.) Капкачын ачып, 5 минут дәвамында болгатып торабыз. Карамель төсенә кергән эремәне пластик контейнерга агызабыз.

 

Куллану тәртибе:

Кайнатма өч сәгать суынсын – пешә күрмәгез! Кулланыр алдыннан эремә агызылган контейнерны кайнар суда тотыгыз – җылы булып торсын. Эремәне чеметеп алабыз һәм 2-3 см диаметрдагы шарчык әвәлибез. (Катнашма агып таралмый һәм аннан шарчык әвәләп була икән, димәк, сез шуганы дөрес кайнаткансыз. Суын артыграк җибәргән булсагыз, депиляция ясап булмас.) Шул шарчыкны йомшартабыз – тартабыз, сузабыз. Кулыбыздагы катнашма ачык алтынсу төскә керергә тиеш. (Әгәр шулай килеп чыкмаса, димәк, артык кайнаткансыз – әз генә кайнар су өстәгез.)

Катнашманы кирәкле урынга (кул, аяк, култык асты, бикини зонасы) чәч үсү юнәлешенә каршы ябыштырабыз, бармаклар белән тыгызлыйбыз. Һәм чәч үсү юнәлешендә кисәк хәрәкәт белән каезлап алабыз. (Авыртырга тиеш түгел. Алай да, башта балалар өчен кулланыла торган тальк сибәргә була.)

Беренче мәртәбә ингредиентларны пропорциональ киметеп пешереп карый аласыз (кайнату вакытын да киметергә онытмагыз!).
фото: pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com