Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

​Җәй кызлары

Айсылу ЧИЖЕВСКАЯ, стилист,  имиджмейкер-визажист
Айсылу ЧИЖЕВСКАЯ, стилист, имиджмейкер-визажист
07 июня 2016
1149 карау
Әлеге типтагы хатын-кыз зәңгәрсу ак йөзле (Кыш хатын-кызлары кебек), кояшта янып китүчән тиреле, чәче исә көлсу төстә була. Җәй хатын-кызлары коңгырт чәчле, сипкелле дә була — Көз белән бутамагыз! Иң мөһим аерма шунда — Җәй тибындагы хатын-кыз салкын төсмерләргә бай, сипкелләре дә аның алтынсу түгел — көрән-көлсу.
Үзегезне таныдыгызмы? Алайса сез Алсу Әбелханова (фотода) кебек —Җәй тибындагы хатын-кыз. Сезгә килешә торган макияж турында сөйләшик.
Җәй хатын-кызларына табигый макияж килешми, чөнки ул аларны төссез итә. Макияжда, киемдә салкын төсләр сайлагыз. 


МАКИЯЖ. Тән төсендәге тональ крем (алсурагы да мөмкин) сайлагыз. Кершән исә тональ кремнан ярым тонга яктырак булырга тиеш. Яңакларга нәфис-алсу бит иннеге тидереп алыгыз. Зәңгәр күзлеләр-
гә – көлсу-зәңгәр, шәмәхә; көрән күзлеләргә – тонык зәңгәр, көлсу-көрән; яшькелт-соры күзлеләргә – тонык яшькелт-соры, шәмәхә төсләрдәге күз буявы килешә. Тонык йә перламутр күз буяуларын куллана аласыз. Кыскасы, барлык зәңгәрсу төсмерләр – сезнеке. Әфлисун-кызыл, сары, барлык контраст төсләр турында онытыгыз! Зәңгәр күзлеләргә тимер төсендәге, салкын зәңгәр, күк, фирүзә, нейтраль соры күз каләме тәкъдим итәбез. Күзегез көрән икән, сезгә салкын көрән төсмерләр, тонык яшькелт-соры каләм төсләре килешер. Яшькелт-соры күзләрнең матурлыгын соры, яшькелт-соры, кычкырып тормаучы шәмәхә каләм ассызыклар. Керфекләрне куе соры яки көрән тушь белән буягыз, кара һәм төсле тушь сезнеке түгел. Иренгә тирән алсу, перламутрлы нәфис алсу, карбыз төсендәге иннек сөртегез. Шунысын да онытмагыз: күзгә акцент ясарга уйласагыз, иренгә “кычкырып” торган иннекләр сөртмәү хәерле.

ЧӘЧ. Төсен үзгәртергә уйласагыз, җирән тоннар сайламаска киңәш итәбез.

КИЕМ. Тонык, пастель тоннар – сезнеке. Якты, кычкырып торучы төсләр, контрастлар, эре бизәкләр сезгә килешмәс. Кара төс белән дә сак булырга кирәк – арыган булып күренүегез бар. Ак төс белән дә шул ук хәл, иң яхшысы – йомырка кабыгы төсен сайлагыз. Гомумән, гардеробыгызда нәфис зәңгәрсу-соры, коңгырт-алсу, ачык шәмәхә... төсләр күбрәк булсын, алар кура җиләге, лимон, яшел диңгез төсе белән бик тә килешә! Шотланд шакмаклы, төрле төстәге сызыклы тукымалар сезгә килешмәс, абстракт акварель төсендәге, фантазияле бизәкле киемнәргә өстенлек бирегез.

 

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com