Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Кыш көне чәчләр өчен 6 кагыйдә

Кыш көне чәчләр өчен 6 кагыйдә

01 февраля 2019
367 карау

1 кагыйдә. Укладка белән сак булыгыз! Көн дә, көн дә фен белән чәчне җәфаламаска! Кыш көне чәчләргә температураның уйнап торуы болай да зарар китерә: урамда – салкын, өйдә – эссе... Иң яхшысы: чәчне кичтән юып, болай гына киптерегез дә, иртән мусс яки гель белән кирәкле формага кертегез.

 

2 кагыйдә. Салкын зарарлы! Чәчне салкыннан сакларга кирәк. Кышын башыгызга кими йөрсәгез, чәчнең төсе тоныклана, очлары яргалана, алар сына торганга әйләнә. Башка кими йөрү аркасында чәч коела да әле. Башлык кигәннән соң прическа бозылмасын өчен, укладка вакытында махсус балавыз – воск кулланыгыз.

 

3 кагыйдә. Еш буямагыз! Салкында алар болай да стресс кичерә, гел-гел буяп торып, сез стрессны көчәйтәсез генә. Иң яхшы буяу да чәч өчен зарарлы. Инде бер дә буямый булмый икән, шампунь-тоник кулланып торыгыз.

 

4 кагыйдә. Дөрес туклану! Кышкы чорда организм майларга, аксымга, витаминнарга кытлык кичермәсен өчен, ашаган ризыгыгызга таләпчәнрәк булыгыз. Дөрес тукланмау иң беренче чәчкә һәм тирегә «бәрә» – чәч коела, тоныклана, ямьсезләнә... тире кубалаклан, җыерчыклана...

 

5 кагыйдә. Чәчне башкача юабыз! Баш тиресенә пилинг ясау кавыктан да коткара, баш тиресен дә чистарта, массаж да була. Аннары, чәч бик пычранмаган булса, кайчакта шампунь урынына кондиционер белән генә юу да файдалы. Бу рәвешле юу ысулы ко-вошинг дип йөртелә.

 

6 кагыйдә. Маска кирәк! Чәчне юганнан соң, май, җиңел крем ише юып төшерелми торган саклык чаралары сөртегез. Атнага бер тапкыр баш тиресен тукландыручы  маскалар куллану бик әйбәт.

 

Элек ничек булган да, хәзер ничек?

Элек: «Чәч майлы булса, 6-7 көнгә бер юарга кирәк. Ләкин юганда башны бер тапкыр гына сабынлагыз. Ә чәчне чайкый торган суга бераз нашатырь спирты салыгыз. Бик майлы булмаган чәчне кайнаган су белән 9-10 көнгә бер юу да җитә», – дип язылган «Сәламәтлек» журналының 1971 елгы декабрь санында.

Хәзер: белгечләр майлы чәчне ешрак, пычранган саен юарга киңәш итә. Коры чәчне исә, чынлап та, атнага бер тапкыр юу да җитәргә мөмкин. Ә кайнаган су белән юу бүген дә файдалы, ул йомшак була.

 

Элек: «Башны сабынлап юу урынына, 1 стакан җылы суга 1 чәй кашыгы бура яки сода салып, шушы эремә белән юарга була. 5 өлеш суга 1 өлеш нашатырь спирты да куллана аласыз. Оеган сөт, йомырка да баш тиресен чистарта», – диелә «Сәламәтлек» журналының 1956 елда басылган санында.

Хәзер: «Сода яки бура чәчнең маен ала анысы, ләкин чәчне һәм баш тиресен дә бик корыта. Ә менә нашатырьдан файда булмас, ул чистартмый. Артык пычранмаган чәчне оеган сөт яки йомырка белән юарга була, ләкин су җылымса гына булсын, югыйчә төерчекләрдән арындырып бетерә дә алмассыз», – ди белгечләр.

 

 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com