Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → ​Яхшы кәефнең серләре

​Яхшы кәефнең серләре

24 декабря 2018
351 карау
Узган һәрбер көнебездән ничек итеп рәхәтлек хисе кичерергә соң? Тормышыбыз матур, көйле булсын өчен үз-үзебезне «ишетергә» генә кирәк. Моның өчен түбәндәге гади генә киңәшләргә игътибар итүегез җитә. 

 

 1. Телефоныгызга матур, ягымлы йә талгын көй куеп, шул көйгә тәэсирләнеп уянырга тырышыгыз. Йокыдан кисәк кенә сикереп тормагыз. Уйларыгызны уңышлы көнгә көйләп, күпмедер вакытыгызны шуңа сарыф итегез. Моңа аз да түгел, күп тә түгел, нибары 5 минут вакыт китәчәк. 

2. Һәрвакыт шат күңелле булып, якын-тирәдәгеләргә дә җылылык кына өләшеп яшәгез. 

3. Бурычка акча сорап торсалар, мөмкинлектән чыгып ярдәм итәргә тырышыгыз. 

4. Тормышка булган позитивка тугры калып, нык адымнар белән алга атлагыз. 

5. Тискәре информацияне күңелегезгә якын кабул итмәскә тырышыгыз. 

6. Сезнең янда һәрчак  киң күңелле, мәрхәмәтле, уңышлы кешеләр генә булсын. 

7. Гел үзегез турында гына уйламыйча, башкаларны да кайгыртырга өйрәнеп, шуннан канәгатьлек алыгыз. 

8. Вакытлы борчылулар, ялгышлар сезне бервакытта да чыгырдан чыгармасын. Юкка хафаланмагыз. Бу күңелсезлекләр киләчәктә тагын кабатланмасын өчен, сабак алырга өйрәнегез. 

9. Кирәкмәгән, инде кулланылмый торган әйберләрдән арынырга тырышыгыз. 

10. Беркайчан да булдыра алмыйм дип әйтмәгез. 

11. Эшләрегез, кылган гамәлләрегез үзегезне дә, әйләнә-тирәдәгеләрне дә сөендереп кенә торсын. 

12. Ара-тирә җиңүләрегез турында искә төшереп, үзегезне үсендереп алыгыз. 

13. Ачу килгән чакларда үз-үзегезгә бикләнеп калмагыз. Өй җыештырып йә берәр башка төрле кул җитмәгән эшләрне эшләп, ачуыгызны басыгыз. 

14. Төшенкелеккә бирелгән дусларыгызның, якыннарыгызның кәефен күтәрергә кыенсынмагыз. 

15. Гаепле икәнегезге сизәсез икән, гафу үтенергә беркайчан да оялмагыз. Гафу үтенергә мөмкинлек булмаса, үзегезне үзегез кичерегез. 

16. Озаклап телевизор каршында утырмагыз. Күбрәк китап укыгыз, саф һавада йөрергә тырышыгыз. 

17. Беркемгә дә үпкә-рәнҗү сакламагыз. Ә менә яхшылыкны бервакытта да онытмагыз. 

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com