Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → ​Карьера ясыйсыгыз киләме?(8)

​Карьера ясыйсыгыз киләме?(8)

21 июня 2018
56 карау
Күбрәк – яхшырак дигән сүз түгел 

 

Карьера баскычыннан тизрәк күтәрелүгә юл әле ул бар уңай сыйфатларыңны максимум файдалану дигән сүз түгел. Җаваплылык секторыгыз ни дәрәҗәдә югары булу шуның кадәр генә, сезнең өчен иң кыйммәте – аны табыш китерерлек итеп файдалану. Ахыр чиктә корпорация өчен финанс нәтиҗәләре беренче урында. 

 Командасы зурраклар алга чыкмый бит көндәшлектә. Глобализциягә юл һәлакәтле дә булырга мөмкин әле. Үзегезнең карамакта булган нәрсәләрдән акча эшли өйрәнегез. Чыгымнарны киметегез, эш оештыруның нәтиҗәле юлларын табыгыз. Күрми калмаслар. 

Теге яки бу хезмәткәрне югарыга үстерү мәсьәләсе килеп чыкса, үз эш урынында кем әйбәт нәтиҗәләргә ирешә, шуннан чыгып сайлыйлар. Зур базарда теплица шартларында эшләүчеме, әллә кечкенә базарда югары нәтиҗәләргә ирешүчеме кирәгрәк? Сүзсез дә аңлашыла инде... 

 

Уңыш сере 

 

 Яхшы күрсәткечләр биреп торучы хезмәткәрләрне корпорацияләр дә, менеджерлар да эзли. Андыйлар һәрчак кирәк, аларны үстерәләр. 

Ләкин гел яхшы нәтиҗәләргә ирешү бер дә җиңел түгел. Шундый хезмәткәрләебезне күз алдыннан үткәреп карадым һәм уңыш серен ачтым. Алар эшләрен планлаштыра белә! Бар ягын төптән уйлап, стратегиясен әзерләп, форс-мажор очрак өчен запас вариантлар эшләп... Иң мөһиме – алар аралаша белә! Хезмәткәрләренә алдан ук кайчан, нәрсә буласын әйтеп куя. 

 

Күрсәтмәләр бирүдән курыкмагыз 

 

Үз эшеңнең бер өлешен башкаларга күчерүне йомшаклык билгесе дип исәпләүчеләр компаниядә байтак. Кемдер алар эшен үти алгач, компаниядә кирәксез кеше булып калмагаем, дип курка андыйлар. Теге яки бу вәкаләтне тапшырып, менеджерларның эшне хезмәткәрләр арасында дөрес оештыра һәм бүлә белүе хуплана гына. 

Беркайчан да күрсәтмәләр бирүдән курыкмагыз. Бурычыгызны ачык формалаштырыгыз. Кул астыгыздагы хезмәткәрләрнең эшен рациональ оештыра алсагыз, сез яхшы менеджер дигән сүз. 

 

Киңәшмәләрне вакытында башлап, вакытында төгәлләгез 

 

Бүгенге бизнеста иң авырткан урын – киңәшмәләрнең начар оештырылуы. Җыелышлар гел булып тора. Кайберләре – чынлап та эш буенча, күп очракта форма өчен генә. Ягъни карарлар кабул итәргә теләмәүдән генә. 

Әгәр киңәшмә җыясыгыз килсә, түбәндәгеләрне эшләгез: 

*көн тәртибен төзегез; 

*катнашучылардан нәрсә таләп ителгәнен җиткерегез; 

*көн тәртибендәге һәр пунктны тикшерү өчен вакыт билгеләгез; 

*киңәшмәне регламентны бозмыйча гына үткәрегез; 

*киңәшмәнең беркетмәсен язып барыгыз, анда эшләнәсе эшләр күрсәтелсен, җаваплы кешеләр билгеләнсен. 

Киңәшмәләр еш булырга тиеш түгел. Вакытында башланып, вакытында тәмамлансын. Файдалы һәм нәтиҗәле узсын.     

   

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com