Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Йоклар алдыннан боларны эшләргә кирәк

Йоклар алдыннан боларны эшләргә кирәк

09 июня 2018
380 карау

Кайвакыт җитәрлек йоклаган кебек тоелса да, йокы туймый, организм
йокыдан торганда ук арган кебек була. Алай булмасын өчен, йоклар
алдыннан эшләргә кирәкле берничә эшне хәтергә сеңдереп куярга кирәк.

1. Әзерләнү. Иртәгәге көнгә әзерләнеп ятсаң, йокың да тыныч була,
икенче көнне иртән ашык-пошык җыенасы да булмый. Шуңа күрә
йокларга ятканчы иртәгә киеп китәсе киемнәрегезне әзерләп, сумканы
тутырып куегыз. Иртәгә ашыйсы ризык турында да кичтән
кайгыртыгыз.

2. Йокларга ятарга бер сәгать кала ноутбук, планшетны сүндереп куегыз,
телефонны да кулга алмаска тырышыгыз. Күпләребез йокларга яткан
җирдән интернетка кереп китә. Болай эшләү дөрес түгел. Йокы да кача,
телефон яки компьютердан чыга торган нурланыш организмга зыян да сала.

3. Рәхмәт әйтү журналы булдырыгыз. Көн дәвамында төрле хәлләр була.
Ләкин көн ничек кенә авыр узмасын (сезнең уйлавыгызча), анда
күңелле мизгелләр дә була. Бәлки, сез кемгәдер ярдәм иткәнсездер дә
рәхмәт ишеткәнсездер. Бәлки, киресенчә, сезгә ярдәм иткәннәрдер,
шуңа күңелегез булгандыр. Көн азагында менә шундый хәлләрне
дәфтәргә теркәп куегыз. Болай итеп язу организмны тынычландыра,
организм «көнем бушка үтмәгән» дигән нәтиҗә ясый.

4. Тартылыгыз. Буыннарны йомшарту өчен тартылу, сузылу күнегүләре
ясап алыгыз. Бу тәнне йомшартырга ярдәм итә.

5. Китап укыгыз. Йоклар алдыннан китап уку бик файдалы, ди белгечләр.
Беренчедән, бу шөгыль нервларны тынычландыра. Баш миен һәм
хәтерне дә яхшырта.
Йокы – сәламәтлекнең башы, шуны онытмагыз!

фото: http://www.pexels.com

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com