Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Футболны кем уйлап тапкан?

Футболны кем уйлап тапкан?

Фәнзилә Мостафина
Фәнзилә Мостафина
07 мая 2018
119 карау
FIFA-2018

Футбол буенча Дөнья чемпионаты башланырга санаулы көннәр калып бара. Шул уңайдан без футбол айлыгы игълан итәргә булдык! Укучыларыбызны футбол яңалыклары, әлеге спорт турында кызыклы мәгълүматлар һәм фактлар белән таныштырып барачакбыз!

Футбол кайчан килеп чыккан соң? Бу хакта төрле фикерләр йөри. Футболны үзенеке итәргә теләүче халыклар да шактый. Ләкин бик борынгы заманнарда ук футболга охшаш туплы уен булган инде.
Майя кабиләсе (600-1000 еллар) елларында эшләнгән керамика калдыкларында туп белән уйнаучы уенчылар сурәтләнгән. Уен тлачтли дип аталган. Майя халкы каучук эшли белгән, тупны шуннан ясаганнар. Баштагы вакытта тупны сыек матдәне катырып эшләгәннәр, шуңа күрә тупка яланаяк яки баш белән бәрү бөтенләй мөмкин булмаган. Җилкә, бот һәм тубыклар ярдәмендә уйнаганнар. Уен мәйданы икегә бүленгән булган (ике команда өчен). Уенның максаты – тупны җиргә төшермичә мөмкин кадәр озаграк һавада тоту һәм каршы команданың вертикаль рәвештә урнашкан боҗра формасындагы капкасына кертү.

Мексикада 1500 елгы уен мәйданнары табылган.
Безнең көннәргә кадәр сакланып калган иң борынгы туп – безнең эрага кадәр 2000 нче елда Мисырда эшләнгән туп. Ул агач һәм күннән эшләнгән, хәтта папирус та кушылган булган.
Безнең эрага кадәр III гасырда язылган борынгы кытай һәм япон манускриптларында футболга охшаш уен тасвирланган. Уен барышын император да күзәтә торган булган.

Борынгы Грециядә һәм Римда туплы уен белем алуның бер өлеше саналган, ирләр дә, хатын-кызлар да уйнаган.

Ә бүген без белә торган футбол XIX гасырда британиялеләр тарафыннан уйлап табылган.

фото: https://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com