Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → ​Кайчан туганыңны әйт һәм без синең кем икәнеңне әйтәбез

​Кайчан туганыңны әйт һәм без синең кем икәнеңне әйтәбез

28 апреля 2018
509 карау


Кешенең туган көненә, аена, елына карап, холкын билгеләп була, диләр. Дөрестерме-юктырмы – анысын һәркем үзе тикшереп карый. Менә атнаның кайсы көнендә тууыгызга карап, холкыгызны чагыштырып карагыз әле.

Дүшәмбе

Бу көнне туганнар, гадәттә, максатына беренче тапкырдан түгел, икенче тапкырдан ирешә. Үзенә нәрсә кирәген төгәл аңлагач һәм шуны эшләү өчен бөтен көчен куйгач кына нияте барып чыга аларның.

Дүшәмбе туганнарга киңәшләр: карарлар кабул итәргә өйрәнегез, үзегезнең нәрсәгә сәләтле икәнегезне аңлагыз, юк-бар шикләрне куарга өйрәнегез, интуицияне эшләтегез.

Сишәмбе

Дүшәмбе туганнар теоретик булса, сишәмбе туганнар – практиклар. Сишәмбе көнне туган кеше эш сөючән һәм тырыш була, ди. Нәрсәгә тотынсалар да ахырга кадәр башкарып чыгарга тырышучылар (әлбәттә инде, яхшы итеп башкару турында сүз бара!), көчле, чыдам, максатчан кешеләр болар. Әгәр сишәмбе көнне туган кеше эшләргә теләми, ялкаулана башлый икән, димәк, аның үз-үзенә булган ышанычы какшаган.

Чәршәмбе

Чәршәмбе көнне туган кешеләр гадәттә укытучы, администратор, язучы, журналист, кешеләр белән аралаша торган һөнәрләрне сайлый икән. Болар – кадрлар белән эшли белә торган кешеләр. Шуңа күрә үзләрен бизнеста да яхшы гына күрсәтәләр. Төп кимчелекләре – кайвакыт артык беркатлы булулары.

Пәнҗешәмбе

Профессиональ җитәкчеләр, педагоглар шушы көнне туа икән! Аларның амбицияләре зурдан, социаль мохиттә үзләрен яхшы хис итәләр. Буйсынырга яратмыйлар, аларга үзләренә идарә итәргә куш. Нәтиҗә булсын дип эшлиләр, әгәр көтелгән нәтиҗә булмаса, авырый башлыйлар, күңелләре төшә. Физик авыртулар да барлыкка килә – бавыр, үт куыгы белән бәйле проблемалар, матдәләр алмашы бозылу.

Җомга

«Минем йортым – минем ныгытмам» дигән принцип буенча яшиләр, күбесенчә үз эчләренә бикләнгән булалар. Башкалар аларның бу гадәтен тәкәбберлек дип тә уйларга мөмкин. Җомга көнне туганнар барысын да белеп торырга, контрольдә тотарга ярата. Ләкин үз эмоцияләрен генә контрольдә тота алмыйлар. Алар бик эмоциональ. Шуңа еш үпкәлиләр.

Шимбә

Бу көнне туганнар – фикер ияләре, фәлсәфәчеләр. Тыныч тормыш рәвеше алып баралар. Ялгызлыкны да җиңел кичерәләр. Шул ук вакытта алар ышанычлы, бик күп кешегә юл күрсәтергә, үз-үзләрен табарга булышырга мөмкиннәр.

Якшәмбе

Нәрсә теләгәннәрен ачык белән торган кешеләр туа ди бу көнне. Гадәттә, алар берьюлы берничә эшне башлыйлар, тик бик сирәк очракта гына барысын да ахырга кадәр җиткерәләр. Әгәр ул эш кирәкми дип санасалар, ярты юлда ташлап та калдыралар.

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com