Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Лев Толстойның «Война и мир» романы турында кызыклы фактлар

Лев Толстойның «Война и мир» романы турында кызыклы фактлар

Алмаз ЗАКИРОВ
Алмаз ЗАКИРОВ
29 марта 2018
134 карау
4 том, меңләп бит, йөзләгән персонаж... Бу саннар – «Война и мир» романы турында. Дөнья әдәбиятының иң атаклы романы турында кызыклы фактлар бар.


1. ХIX гасырда язылган иң зур роман. Беренче басмалар 6 китапка бүленеп чыккан, соңрак стандарт буенча 4 китап булып басыла.

2. Лев Толстой роман-эпопеяны 6 ел дәвамында яза (1863–1869 еллар). Роман 8 тапкыр күчереп языла, ә кайбер бүлекләре 26 тапкыр төзәтелә.

3. Романдагы вакыйгалар 15 еллык чорны эченә ала. Бу вакыт эчендә геройлар өлкәнәя, картая, кайсы байый, кайсы ярлылана.

4. Романны язу уе 1860 елда ук туа. Язучы ул чакта «Декабристлар» романын язу хыялы белән яши. 1825 елгы восстниедән соң кулга алынып, Себергә сөргенгә озатылган картның язмышы тасвирланырга тиеш була анда. Языла башлаган романы тәмамланмый кала. Толстой 1812 елгы Ватан сугышына багышланган колачлы әсәргә тотына.

5. Әсәрдә 559 персонаж. Реаль тарихи шәхесләр – 200 ләп. Алар арасында Кутузов, Наполеон, Александр I, Багратион, Аракчеев, Сперанский һәм башкалар бар. Андрей Болконский, Пьер Безухов, Наташа Ростова – уйлап чыгарылган геройлар.

6. Романда тарихи вакыйгалар вак детальләргә кадәр төгәллек белән тасвирлана. Лев Толстой тарихи язмалардан, мемуарлардан файдаланган.

7. Болконскийлар һәм Ростовлар арасында Толстойның үз гаиләсе кешеләрен танырга мөмкин.

8. Вакыйгалар күбрәк Мәскәүдә тасвирлана.

9. Пьер Безуховның беренче хатыны Елена белән беренче зөфаф кичен ничек уздыруларын бик тәфсилләп тасвирлаган бүлекне хатыны Софья Берс кушуы буенча Толстой бөтенләй төшереп калдыра.

10. Романны яза башлаганда Толстойга 35 яшь була, 41 яшендә тәмамлый. 19 яшьлек хатыны Софья – «Война и мир»ны күчереп язучы. Ул Лев Николаевичның сызгалап, чуарланып беткән почеркын таныр өчен зурайтып күрсәтә торган пыяладан файдалана.

11. «Война и мир» бүгенге көндә 40 телгә тәрҗемә ителгән.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com