Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Ир-атлар хатын-кызлардан көткән, әмма әйтергә җөрьәт итмәгән 5 әйбер

Ир-атлар хатын-кызлардан көткән, әмма әйтергә җөрьәт итмәгән 5 әйбер

Гөлнур САФИУЛЛИНА
Гөлнур САФИУЛЛИНА
19 марта 2018
457 карау
1. Комплиментлар.
Ир-атларның берсе дә: «Миңа синнән комплиментлар ишетү рәхәт», – дип әйтмәячәк. Йөри торган егетегез генә түгел, хәтта ирегез дә. Алар бу адымга гомердә бармаячак! Ничек шулай дип әйтә алсын инде – ул бит ир-ат! Үзенә болай дип әйтү килешми дип саный ул. Әмма сорамау – ул әле ир-ат моны ишетергә теләми дигән сүз түгел.
«Минем тышкы кыяфәтем башкаларга ничек күренә?» – дип хатын-кызлар гына уйлый дип беләсезме? Ир-атны да бу гел борчый. Безгә җиңелрәк: яңа күлмәгебезгә, яңа прическабызга дус кызлар очрашуга бәя бирә. Ә аңа дуслары бу хакта әйтүе бик икеле. Димәк, сез генә калалсыз!

2. Синең аңардан киңәш сорауны.
Ир-ат һәрвакыт үзенең сиңа кирәк, файдалы булуын, синең тормышта үзенең зур роль уйнавын тоярга тели. Тормышыңны яхшырак иткәнен сизеп, сиздереп торасы килә. Шуңа күрә, нәрсә эшләсәң дә, аның фикерен белергә, киңәш сорарга онытма. Киңәш сорау – нәкъ ул әйткәнчә эшләү дигән сүз түгел бит әле. Әмма аның киңәше синең өчен мөһим икәнен күрсәтүдән берни югалмыйсың.

3. Синең аны теләвеңне сиздерүне.
Аның сиңа кагылуын, иркәли башлавын, сине теләвен һәрвакыт көтмәсәң дә ярый. Кайчакларда бу адымны беренче үзең яса. Ир-ат хатын-кызның үзен теләвен тоярга ярата. Мин аны дәртләндерәм дип уйлау, аны үзен бөтен нәрсәдән дә күбрәк дәртләндерә!

4. Нәрсә теләвеңне, нәрсә ошавын үзең әйтүне.
Ир-ат үзенеке дип санаган хатын-кызны бәхетле итәргә тели. Әгәр моны эшли алмаганын аңласа, ике арадагы мөнәсәбәтләр аның өчен кызыгын югалта. Шуның өчен дә, үзен бәхетле итү өчен ир-ат нишләргә тиеш икәнен хатын-кызның телләп әйтүен тели алар. Әмма бу теләкләрне ярсымыйча, аны битәрләмичә, түбәнсетмичә әйтә белергә кирәк. Яратып! «Нигә син беркайчан да шулай эшләмисең...» – дип үпкәләп түгел, «Миңа син шулай эшләгәндә ошый...» – дип, аны мактап, күңелен күтәреп. Ялгышларын күрсәтеп түгел, ә дөрес эшләгән чакларын – ассызыклап. Кыскасы, сезнең сүзләрдән соң ул үзен нәрсә өчендер өлкәннәр ачуланган бала кебек тоймасын.

5. Үзе өчен синең терәк булуыңны.
Ир-ат, ни генә булса да, хатын-кызның үзе яклы булуын, аңа ышануын, аңа өмет баглавын тели. Уңышсызлыкларга очраганда да, үзе сайлаган хатын-кызны янәшәсендә күрергә хыяллана. Һәм бу шулай булырга тиеш тә. «Һәр көчле ир-ат артында көчле хатын-кыз тора», – дип юкка әйтмиләр. Син аңа терәк булганда, аңа ышанганда ир-ат таулар күчерергә дә сәләтле. Аның белән горурлануың ир-атка көч өсти.
Кыскасы, ир-ат хатын-кызның рәхмәтенә мохтаҗ. Нәрсә эшләсә дә, ул моны хатын-кызның бәяләвен һәм моңа рәхмәтле булуын тоярга тели, шуны көтә. Өметләрен аклау – безнең кулда.

фото: https://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com