Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Яшь булып калу өчен

Яшь булып калу өчен

Табиб акушер-гинеколог Динара Мархабуллина киңәшләре
Табиб акушер-гинеколог Динара Мархабуллина киңәшләре
08 января 2018
452 карау

Күпме генә эзләнсәләр дә, әле берәү дә мәңге яшь калу серен ача алмый. Шулай да яшьлекне озайтырга мөмкин. Ул исә гап-гади кагыйдәләргә бәйле.

1. Су, су һәм тагын бер тапкыр су. Кеше организмының якынча 80 проценты судан тора. Су - матдәләр алмашында иң мөһим аспект. Әгәр сидек юллары системасы буенча каршылыклар юк икән, көненә 1,5-2 литр су эчәргә кирәк. Сыйфатлы фильтрлар кулланыгыз, суны озонлаштырырга мөмкин, тик бу әллә ни әһәмиятле түгел - иң мөһиме, чистартыгыз да эчегез. Әгәр организм сусызландырылган икән, биткә крем сөртүдән ни мәгънә? Нәкъ менә җитәрлек күләмдә су куллану бит тиресе сыйфатын яхшырта, ул чистара, төсе тигезләнә.

2. Артык авырлык җыймагыз. Һәр май күзәнәге - кечкенә генә әшәкелек фабрикасы кебек, май күзәнәкләре зарарлы эстроген эшләп чыгара. Ә инде артык авырлыкның йөрәккә һәм умыртка баганасына өстәмә йөк булуы турында әйтеп тә тормыйм, бу күптән билгеле.

3. Саф һава һәм хәрәкәтләнү (табигатькә чыгу, җәяү йөрү) - нәкъ менә шундый йөкләмәләр майны яндырырга булыша, баш мие эшчәнлеген яхшырта, кәефне һәм үз-үзеңә бәяне күтәрә. Организмны "таркатучы" продуктлар кислород ярдәмендә тизрәк яна.

4. Йокыгызны туйдырыгыз! Иң төп кагыйдә - 23.00 сәгатькә кадәр йоклап китү. Тәүлегенә - 7, иң яхшысы 8 сәгать йокларга кирәк. Йоклаганда бүленеп чыга торган мелатонин дигән гормон безнең организмны яшәртә. 

Бәхетле һәм сәламәт яшик!

фото: https://pixabay.com

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com