Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Без белгән һәм белмәгән кузгалак

Без белгән һәм белмәгән кузгалак

Лилия Гәрәева
Лилия Гәрәева
07 июня 2017, 12:00
703 карау

Быел утырткан яшелчәләр бик куандырырга ашыкмаса да, кыш буена талчыккан организмны витаминнарга баету чарасын барыбер дә табарга мөмкин. Шундыйларның берсе – кузгалак. Көннәр салкын, кыраулар да төшкәли дип тормады ул, үсүендә булды.

Кузгалакны язын салатларга, ашларга кушарга кирәк. Яшь кузгалак организмны витаминнарга баета, ашказаны эшчәнлеген яхшырта. Тагын бер дәва үзлеге – кузгалак кан тамырларын бик яхшы ныгыта, гемоглобинны арттыра, күз төпләрендәге «капчыклардан» булыша.

Кузгалакның файдалы үзлекләре моның белән генә бетми әле. Витаминнар җитмәгәннән язын уртлар бозыла, каный икән, бу очракта да кузгалак ярдәм итә ала. 2 аш кашыгы яшь кузгалакны ваклап, 1 стакан кайнар суда 1 сәгать төнәтәбез дә, шуның белән авызны чайкыйбыз. Стоматиттан, пародонтоздан булыша.

Азканлылыктан кузгалак суты. Кузгалакны иттарткычтан чыгарып, сутын сыгабыз да, ярты стакан сутны көн дәвамында 2шәр аш кашыгы белән капкалап, эчеп бетерәбез. Бер генә әйбер бар: кузгалак сутын ач карынга эчәргә ярамый.

Кан тамырларын ныгыту өчен: ярты литрлы банканы вакланган яшь кычыткан белән тутырып, кузгалак өстенә чыкканчы алма серкәсе салабыз. Бер атна буе караңгы урында төнәтәбез. Аннары сөзеп, аякка, тәндәге кан тамырлары зәңгәрләнеп бүртеп торган урыннарга сылыйбыз. Аякларның тамырлары сызлаганнан бик булыша.

Күз төбендәге «капчыклардан». Моның өчен кузгалак сутын йөзем төшеннән сыгылган май белән кушарга кирәк (1 аш кашыгы кузгалак сутына 1 чәй кашыгы май). Берьюлы күбрәк итеп тә ясап куеп булмый, әзер майның суыткычта 2 генә көн саклана. Әлеге майны юка гына итеп күз төбенә сөртәбез. Ул әле тәндәге кечкенә яраларны да тиз дәвалый.

Биттәге сипкелдән. Ярты литрлы банкага дыңгычлап кузгалак тутырабыз да, өстенә чыкканчы медицина спирты агызабыз. Бер атна караңгы урында төнәткәннән соң, төнәтмә әзер. Кулланыр алдыннан лосьонны 1гә 1 нисбәтеннән кайнаган су белән сыекларга кирәк. Сипкелләр, туткыллардан, биттәге бетчәләрдән менә дигән дәва.

фото: https://pixabay.com/

Сезнең фикер

Загрузка..
Загрузка..
Казан шәһәре Совет районы буенча Россия Пенсия фонды идарәсенең матбугат чаралары белән элемтәләр урнаштыру бүлеге белгече
ТР кеше хокуклары буенча вәкаләтле вәкил
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com