Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Викторина: ​Дөньяда куп нәрсә белдем...

Викторина: ​Дөньяда куп нәрсә белдем...

05 мая 2017
581 карау
1.     Китерелгән мәкаль-әйтемнәргә төшеп калган сүзләрне өстәгез:
а) Сөтнең сөзмәсе,... кыскасы яхшы.
б)... юк - авызындагысын алдырыр.
в) Сыйларга сыең булмаса, сыйпарга... булсын.
г) Җырның ертыгы,... сүтеге юк.

2.     “Дога илә сәлам яздым,
Сәлам соң һәм кәлам яздым,
Гыйшык тотып үлә яздым - Ки сән Фәрхи лә җанкайга... ”
Бу юллар кайсы татар шагыйренең нинди исемдәге әсәреннән? “Кәлам” сүзе­нең бүгенге мәгънәсен әйтегез.
3.     Татар сөйләм һәм язма телендә “елый” сүзенең тагын биш-алты синонимын табыгыз.

4.     Ике сүз: “мәхәббәт” һәм “мәһабәт” арасында нинди аерма бар? Бу сүзләрне кайбер кешеләр еш кына бутап сөйләшәләр.

Җаваплар: 

1. а) Сөтнең сөзмәсе, сүзнең кыскасы яхшы.
б) Теле юк - авызындагысын алдырыр.
в) Сыйларга сыең булмаса, сыйпарга телең булсын.
г) Җырның ертыгы, сүзнең сүтеге юк.

2.     Габделҗәббар Кандалый, “Фәрхисорур” поэмасы.
Кәлам — сүз.

3.     Елый: күз яшен түгә, сыктый, балавыз сыга, яшькә тыгыла, күзләрен сидрәтә, мышкылдый, буасы ерылган (киткән).

4.     Мәхәббәт - сөю, ярату, гыйшык, дәрт.
Мәһабәт - мәгърур, олпат, затлы, күркәм, саллы, гүзәл.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com