Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»

​Сабыр гөлләр

05 мая 2017
518 карау

Исемнәре үк нәфис аһәңле музыка сыман яңгырый торган бик матур декоратив бүлмә гөлләре бар. Мәсәлән, сансевиерия, аскарагус, нолина... Алар, иң ышанычлы дуслар сыман, безнең һәр ялгышыбызны киче­реп, тын гына үсеп утыралар.
Әйе, без кайвакыт көндәлек тормышта тиен кебек бетерелеп, ярат­кан гөлләребезгә су сибәргә дә онытабыз. Шул җитешсезлегебезне күздә тотып, табигать безгә корылыкка һәм караңгылыкка чыдам гөлләр дә биргән. Алар хуҗабикәнең җылы кул сузганын сабыр гына көтә беләләр.

Аспидистра. Туры кояш нурларын өнәми, ә күләгәле бүлмәдә бик рәхәтләнеп үсә. Ул бигрәк тә көзге һәм кышкы чорда, аз яктылыклы бүлмәдә үстерү өчен кулай гөл санала. Аспидистраны зур булмаган уртача чүлмәккә утыртыгыз. Тамырлары зурайгач, һәр дүрт ел саен күчереп утырту зарур. Гөлгә атнага бер тапкыр, туфрагы кипшергәч кенә су сибегез. Аны корырак тоту файдалырак. Аспидистрага кызыл балчык белән торф катнаштырылган аш­ламалы туфрак кирәк.

Сансевиерия. Якты кояш нурларын үз итүче гөл. Бу Африка үсемлегенә җылы коры һава куркыныч түгел. Аны батарея өстендәге тәрәзә төбенә утыртсаң да ярый.
Гөлгә артык су сипмәгез, корырак тотуның да зыяны юк. Кышкы чорда өч атнага бер мәртәбә су сибү дә җитә. Тамырлары үсеп ныгыгач кына күчереп утыртырга кирәк. Сансевиерияны төбенә эре дренаж салып, ком кушылган кызыл балчыклы туфракка утыртыгыз.

Нолина. Якты, җылы һәм җиләс урынны ярата. Гөлне еш ачыла торган тәрәзә төбенә утыртсаң да ярый, ул һава үзгәрешеннән курыкмый. Нолина- га туфрагы кипшергәч, айга бер тапкыр гына су сибегез. Аңа чуерташ кушыл­ган кызыл балчыклы һәм тиресле туфрак яхшы булачак.

Хлорофитум. Уртача температуралы ярым яктылыкка җайлашкан. Бу гөл кашпода бик матур үсә. Аны чуерташлы һәм торфлы, ашлама кушылган туфракка утыртыгыз. Җире һәрвакыт дымлы булырга тиеш.

Аспарагус. Яктылыкны ярата, шуңа күрә күләгәле урында акрынрак үсә. Иң мөһиме, гөл җылылык батареясеннән ераграк торырга тиеш. Аспарагус берничә атна сусыз тора ала, тик аңа аз-азлап даими сибү файдалырак. Аңа ашлама кушылган кызыл балчыклы туфра кирәк.

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Россия Федерациясе Пенсия фондының Казан шәһәре Совет районы буенча матбугат чаралары белән элемтәләр урнаштыру бүлеге баш белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com