Хатын-кызлар өчен татар телендә
бердәнбер әдәби-нәфис журнал
1913 елда чыга башлады
1926–1991 елларда «Азат хатын»
Баш битХатын-кыз галәмеБелмәсәң - бел! → Сорауларыгызга җаваплар!

Сорауларыгызга җаваплар!

17 апреля 2017, 11:30
634 карау
Фиалкалар ни өчен чери?
Фиалкалар, гадәттә, артык су сибүдән чериләр. Аларга суны турыдан-туры гөл төбенә түгел, чүлмәк читенә яисә чүлмәк тәлинкәсенә генә сибәргә кирәк.



Ананас орлыгын кайдан табарга?
Ананасны орлыктан түгел, җимеш башыннан үрчетәләр. Моның өчен, ананасның бераз йомшагын да кертеп, яфраклы башын кисеп алыгыз да, ком белән торф катнашмасында тамыр җәйдертегез.



Каллы ни өчен чәчәк атмый?
Каллы чәчәк атсын өчен, аны җәен ял иттерергә кирәк. Моның өчен гөлне май ахырында салкынча күләгәле урынга утыртып, су сибүне киметегез. Яфраклары акрынлап кибәчәк. Гөлне шул хәлдә август ахырына тикле тотыгыз. Ә аннары нормаль шартларга күчереп, су сибә башларга да ярый, ул зур яфраклар чыгарып, үсеп китәчәк, ә кыш ахырында чәчәк атачак.



Нәрсә ул лагенария?
Лагенария яисә һинд кыяры — ул берьеллык лиана. Аны балконда яисә бакчада декоратив үсемлек сыйфатында үсентедән үстерәләр.



Хөрмә җимешләнсен өчен ничек тәрбияләргә кирәк?
Бүлмә гөлләрен тәрбияләгән шикелле үк. Әмма ул бүлмә шартларында чәчәк тә атмый, җимешләнми дә.


Лимон гөлендә ничә җимешлек калдырырга?
Яшь лимонда һәрбер җимешлеккә 17-20 нормаль яфрак булырга тиеш. Ә зур лимонга 10-12 яфрак калдыру да җитә.


Сөтле аш пешерүнең берәр кулинар хәйләсе юкмы?
Чынлап та, сөтле аш пешерүнең бик гади, кечкенә генә үз хәйләсе бар. Сөтле ашны тулысынча сөттә түгел, ә су кушылган сөттә пешерергә кирәк. Әмма бу сөтле ашка су кушу дигән сүз түгел. Аның да билгеле бер технологиясе бар.
Сөтле аш тәмле булып пешсен өчен, ашка саласы токмач, ярма, бәрәңге, кәбестә кебек компонентларны иң элек суда пешереп алыгыз да сөзгечкә бушатып сөзегез. Ә шулпасына кайнаган кайнар сөт кушып болгатыгыз. Әлеге шулпага сөземтәне салып, кайный башлаганчы утта тотыгыз. Кайнатырга ярамый! Шул рәвешле пешерелгән сөтле аш кеше өчен файдалырак та, тәмлерәк тә була.

Чөгендерне тиз пешерү ысулы бармы?
Юылган чөгендергә салкын су салып утка утыртыгыз. Шуны, кайный башлагач, бер сәгать пешерегез дә агып торган салкын су астында 10-15 минут тотыгыз. Болай эшләгәндә чөгендер тиз пешә.


фото: https://pixabay.com/

Сезнең фикер

Загрузка..
Загрузка..
ТР кеше хокуклары буенча вәкаләтле вәкил
Матбугат чаралары белән элемтәләр урнаштыру булеге белгече
Кукмара районы Камышлы авылы имам-хатыйбы
Татарстан Республикасының Этил спирты һәм алкогольле продукция җитештерүне, әйләнештә йөртүне, сыйфатын дәүләт тикшерүен тәэмин итү һәм кулланучылар хокукларын яклау буенча дәүләт инспекциясенең Казан бүлеге җитәкчесе.
Врач-кардиолог, терапевт, кандидат медицинских наук
Intertat
Татар-информ
Татмедиа
16+
Сделано в iCC Design Group
www.icc-otk.com